బాలీవుడ్ బిగ్ ప్రొడక్షన్ యశ్ రాజ్ ఫిలింస్ 2019లో తీసిన సినిమా వార్. హృతిక్ రోషన్ టైగర్ ష్రాఫ్ కలిసి నటించిన ఆ సినిమా బాలీవుడ్ బాక్సాఫీస్ ని షేక్ చేసింది. సిద్ధార్థ్ ఆనంద్ డైరెక్ట్ చేసిన ఈ సినిమాకు సీక్వల్ గా వార్ 2 చేయాలని ఫిక్స్ అయ్యారు మేకర్స్. అయితే యశ్ రాజ్ ఫిలింస్ తాము తీసే సీక్వల్ సినిమాలకు డైరెక్టర్ ని మార్చడం చేస్తుంటారు. అందుకే వార్ చేసిన సిద్ధార్థ్ ఆనంద్ ని పక్కన పెట్టి వార్ 2 కోసం బ్రహ్మాస్త్ర డైరెక్టర్ అయాన్ ముఖర్జీని తీసుకున్నారు.
ఇక్కడ ప్రత్యేకమైన విషయం ఏంటంటే వార్ 2 లో హృతిక్ తో పాటు మన యంగ్ టైగర్ ఎన్.టి.ఆర్ కూడా స్క్రీన్ షేర్ చేసుకుంటున్నాడు. తారక్ బర్త్ డే రోజు యుద్ధభూమిలో నీ కోసం ఎదురుచూస్తుంటా మిత్రమా అని హృతిక్ మెసేజ్ పెట్టడం వార్ 2 కాంబో ఓ రేంజ్ లో ఉండబోతుందని హింట్ ఇచ్చారు. అయితే వార్ 2 లో హృతిక్ రోషన్ హీరోగా ఎన్.టి.ఆర్ నెగటివ్ షేడ్స్ ఉన్న పాత్రలో కనిపిస్తారని టాక్. అయితే హీరో హృతిక్ అయినా కూడా సౌత్ లో ఆ సినిమా రిలీజైతే.. విలన్ అయిన తారక్ ఇక్కడ హీరో అవుతాడు.
వార్ 2లో ఎన్.టి.ఆర్ నెగటివ్ రోల్ అయినా ఓకే చెప్పాడు అంటే ఆ పాత్రకు ఉన్న ప్రాధాన్య అది అని అర్ధమవుతుంది. వార్ 2లో ఎన్.టి.ఆర్ తో హృతిక్ చేసే వార్ ఏమో కానీ సౌత్ లో ముఖ్యంగా తెలుగులో మాత్రం నందమూరి ఫ్యాన్స్ వార్ వన్ సైడ్ చేసేస్తారని చెప్పొచ్చు. వార్ 2 నెక్స్ట్ ఇయర్ మొదట్లో సెట్స్ మీదకు వెళ్తుందని తెలుస్తుంది. 2024 డిసెంబర్ లో యష్ రాజ్ ఫిలింస్ వార్ 2 రిలీజ్ చేయాలని ప్లాన్ చేస్తున్నారు. ఈ సినిమాలో కియరా అద్వాని హీరోయిన్ గా నటిస్తుందని తెలుస్తుంది.
