తెలంగాణకు భారీ బడ్జెట్

తెలంగాణకు భారీ బడ్జెట

తెలంగాణ రాష్ట్ర చరిత్రలో ఎన్నడూ లేనివిధంగా ఈసారి ఫిబ్రవరి మొదటి వారంలోనే బడ్జెట్ ప్రజల ముందుకు తీసుకువచ్చింది. ఈ రోజు ఉదయం జూబ్లీహిల్స్ వెంకటేశ్వర స్వామిని దర్శించుకొని ప్రత్యేక పూజలు నిర్వహించారు ఆర్థిక మంత్రి హరీష్ రావు. అనంతరం బడ్జెట్ డాక్యుమెంట్లతో అసెంబ్లీకి చేరుకున్నారు. తెలంగాణ క్యాబినెట్ ఆదివారం ప్రత్యేకంగా సమావేశమై వార్షిక బడ్జెట్‌ 2023ని ఆమోదించింది. అనంతరం గవర్నర్ తమిళిసై సౌందరరాజన్ ఆమోదం కూడా లభించింది.శాసనసభలో హరీశ్ రావు, రూ.2,90,396 కోట్ల మొత్తంతో భారీ బడ్జెట్ ప్రవేశపెట్టారు. శాసన మండలిలో శాసనసభ వ్యవహారాల మంత్రి వేముల ప్రశాంత్ రెడ్డి బడ్జెట్ ప్రవేశ పెట్టారు. మొట్టమొదటిసారిగా సభ్యులందరికీ పెన్ డ్రైవ్‌ల ద్వారా బడ్జెట్ కాపీలను అందజేశారు. ఈ ఏడాది చివర్లో అసెంబ్లీ ఎన్నికలు ఉండటం, టీఆర్‌ఎస్ నుంచి బీఆర్‌ఎస్‌గా మారిన అధికార పార్టీ జాతీయ రాజకీయాల్లో ప్రభావం చూసే దిశగా అడుగులు వేయడం తదితర పరిణామాల నేపథ్యంలో ఈ బడ్జెట్‌కు ప్రాధాన్యం సంతరించుకుంది.

కొత్త ఉద్యోగుల జీతభత్యాల కోసం అదనంగా రూ. 1000 కోట్లు. 2014 జూన్ నుంచి ఫిబ్రవరి 2022 వరకు ప్రత్యక్ష నియామక విధానం ద్వారా 1,61,572 ఉద్యోగాలను ప్రభుత్వం భర్తీ చేసింది.
హెచ్‌ఎండీఏ పరిధిలో రూ. 387 కోట్లతో అభివృద్ధి పనులు.
పట్టణాల్లో శ్మశానాలను ఆధునిక వసతులతో వైకుంఠ ధామాలుగా మార్చేందుకు రూ. 346 కోట్లు.
పరిశ్రమల శాఖకు రూ. 4,037 కోట్లు.
యాదాద్రి డెవలప్‌మెంట్‌ అథారిటీ కోసం రూ. 200 కోట్లు.
జర్నలిస్టుల సంక్షేమం కోసం రూ. 100 కోట్ల నిధితో కార్పస్‌ ఫండ్‌.
న్యాయవాదుల సంక్షేమం కోసం రూ. 100 కోట్ల నిధి.
ఏప్రిల్ నుంచి కాంట్రాక్ట్ ఉద్యోగుల సర్వీస్ క్రమబద్దీకరణ. ఏప్రిల్ నుంచి సెర్ప్ ఉద్యోగుల పే స్కేలు సవరణ.
మధ్యాహ్నం భోజన కార్మికుల గౌరవ వేతనం రూ. 3 వేలకు పెంపు.
సొంత స్థలం ఉన్న వారికి ఇంటి స్థలం నిర్మించుకునేందుకు ఆర్థిక సాయం. నియోజకవర్గానికి 2000 మందికి రూ. 3 లక్షల చొప్పున సాయం.
నియోజకవర్గానికి 1100 మందికి దళితబంధు.
కాళేశ్వరం టూరిజం సర్క్యూట్‌కు రూ. 750 కోట్లు.
యూనివర్సిటీల్లో మౌలిక వసతుల అభివృద్ధికి రూ. 500 కోట్లు.
మహిళా యూనివర్సిటీకి రూ. 100 కోట్లు.
రోడ్ల మరమ్మతు, నిర్వహణ నిమిత్తం రోడ్లు, భవనాల శాఖకు రూ. 2500 కోట్లు.
డబుల్ బెడ్రూం ఇళ్ల పథకం కోసం రూ. 12,000 కోట్ల కేటాయింపు.
హైదరాబాద్ మెట్రో రైలు కోసం రూ. 1500 కోట్లు. పాతబస్తీ మెట్రో లైన్‌కు రూ. 500 కోట్లు.
ప్రజా పంపిణీ వ్యవస్థకు రూ. 3,117 కోట్లు మరి కరోనా సమయంలోనూ రాష్ట్ర ప్రభుత్వం 4,072 కోట్లు ఖర్చు పెట్టి ప్రజలకు ఉచితంగా బియ్యం పంపిణీ చేసింది. తెలంగాణ రాష్ట్ర ప్రభుత్వం ఏర్పడగానే పేదలకు రేషన్ బియ్యం, పంపిణీపై గత ప్రభుత్వాలు విధించిన పరిమితులను ఎత్తివేసింది. కుటుంబంలో ఎంత మంది ఉంటే అంత మందికి 6 కిలోల చొప్పున రేషన్ బియ్యం అందజేస్తోంది – హరీష్ రావు
రుణమాఫీ పథకం కోసం రూ. 6385 కోట్లు.
కళ్యాణలక్ష్మి/ షాదీ ముబారక్‌ కోసం రూ. 3,210 కోట్లు.
మహిళా, శిశు సంక్షేమానికి రూ. 2.131 కోట్లు.
హోం శాఖకు రూ. 9,599 కోట్లు.
న్యాయశాఖకు రూ. 1,665 కోట్లు.
రైతుబంధు పథకానికి రూ. 1,575 కోట్లు.
కేసీఆర్ న్యూటిషన్ కిట్‌ పథకం కోసం రూ. 200 కోట్లు
హరితహారం పథకానికి రూ.1,471 కోట్లు
ఐటీ, క‌మ్యూనికేష‌న్ల రంగానికి రూ. 366 కోట్లు
పురపాలక శాఖకు రూ. 11,372 కోట్లు.
ఆయిల్‌ పామ్‌ సాగుకు రూ.1000 కోట్లు
పామాయిల్‌ సాగు ద్వారా రైతులకు ప్రతి ఎకరానికి దాదాపుగా లక్షా 50 వేల రూపాయల వరకు ఆదాయం వస్తోంది. ఆయిల్‌ పామ్‌ సాగు విస్తీర్ణాన్ని 20 లక్షల ఎకరాలకు పెంచాలనేది ప్రభుత్వ లక్ష్యం. ఇందులో భాగంగానే ఆయిల్‌ పామ్‌ సాగుకు బడ్జెట్‌లో భారీ మొత్తం కేటాయిస్తున్నాం.
మహిళా, శిశు సంక్షేమం కోసం రూ. 2,131 కోట్లు.
ఎస్సీ ప్రత్యేక నిధి రూ. 36,750 కోట్లు
ఎస్టీ ప్రత్యేక నిధి రూ. 15,233 కోట్లు
విద్యా రంగానికి రూ. 19,093 కోట్లు.
వైద్య రంగానికి రూ. 12,161 కోట్లు.
అటవీ శాఖకు రూ. 1,471 కోట్లు.
దళిత బంధు పథకానికి రూ.17,700 కోట్లు.
బీసీ సంక్షేమం కోసం రూ. 6,229 కోట్లు
వ్యవసాయ రంగానికి రూ. 26,831 కోట్లు.
నీటి పారుదల శాఖకు రూ. 26,885 కోట్లు
విద్యుత్‌ రంగానికి కేటాయింపులు రూ. 12,727 కోట్లు
రూ.2,90,396 కోట్లతో భారీ బడ్జెట్ ప్రవేశపెట్టారు. రెవెన్యూ వ్యయం రూ. 2,11,685 కోట్లు కాగా, మూలధన వ్యయం రూ. 37,525 కోట్లు అని మంత్రి హరీశ్ రావు తెలిపారు.

ఈ బడ్జెట్ కే సిర్ గారు ఆలోచనలకూ , తెలంగాణ ప్రజల ఆకాంక్షలకు అనుగుణంగా ఉంది. సంక్షేమం, అభివృద్ధి రెండు సమపాళ్లలో వుండాలని.కేంద్రం నుంచి వివక్ష కొనసాగుతున్నా సమయం కూడా అసలు ఒక్క రూపాయి కూడా కేంద్రం నుంచి రాకపోయినా అభివృద్ధి ధ్యేయంగా తెలంగాణ రాష్ట్రన్ని మన కే సి ఆర్ గారు ముందుకి కు తీసుకువెళ్ళుతున్నారు.

ఇది కూడా చదవండి: