corona virus :భారత్ లో తాజాగా30 వేలు దాటిన కరోనా కేసులు
భారతదేశంలో రోజువారీ కోవిడ్ -19 (కోవిడ్ 19) కేసులలో అంతకు ముందు రోజుతో పోలిస్తే స్వల్ప తగ్గుదల కనిపించింది. అయితే, ప్రస్తుతం భారతదేశంలో యాక్టివ్ కేసుల సంఖ్య 32,000 దాటింది. ఆదివారం విడుదల చేసిన డేటా ప్రకారం. ప్రస్తుతం భారతదేశంలో 32,814 క్రియాశీల కోవిడ్ -19 కేసులు ఉన్నాయి. ఇది మొత్తం ఇన్ఫెక్షన్లలో 0.07 శాతంగా ఉంది. కొత్త కేసులతో దేశంలో కోవిడ్ కేసుల సంఖ్య 4.47 కోట్లకు (4,47,56,616) చేరుకుంది. అయితే జాతీయ కోవిడ్ -19 రికవరీ రేటు 98.74 శాతంగా ఉంది.
శనివారం భారతదేశంలో 6,155 కొత్త COVID-19 సంక్రమణ కేసులు నమోదయ్యాయి. అయితే క్రియాశీల కేసుల సంఖ్య 31,194కి పెరిగింది. దేశంలో 11 మరణాలతో కరోనా నుండి మరణించిన వారి సంఖ్య 5,30,965కు పెరిగింది. గుజరాత్‌లో ముగ్గురు, హిమాచల్ ప్రదేశ్‌లో ఇద్దరు, బీహార్, ఛత్తీస్‌గఢ్, మహారాష్ట్ర, ఒడిశా, ఉత్తరప్రదేశ్‌లలో ఒక్కొక్కరు చొప్పున మరణించారు. ఇది కాకుండా కేరళలో ఒక మరణానికి సంబంధించిన మునుపటి గణాంకాలు నవీకరించబడ్డాయి. కరోనా వ్యాధి నుంచి కోలుకుంటున్న వారి సంఖ్య 4,41,92,837కి పెరగగా, మరణాల రేటు 1.19 శాతంగా నమోదైంది. మంత్రిత్వ శాఖ వెబ్‌సైట్ ప్రకారం.. దేశవ్యాప్తంగా వ్యాక్సినేషన్ ప్రచారం కింద దేశంలో ఇప్పటివరకు 220.66 కోట్ల కోవిడ్ వ్యాక్సిన్‌లు ఇవ్వబడ్డాయీ .
అయితే పసి పిల్లలకు కరోనా బాగా సోకుతోందని తాజాగా తెలిసింది. పిల్లల్లో కరోనా సోకినప్పుడు వారిలో కొన్ని కొత్త లక్షణాలు కనిపిస్తున్నాయని నిపుణులు తెలిపారు. దీనికి కారణం కొత్త వేరియంట్ XBB.1.16 అని తేల్చారు. ఈ వేరియంట్ పిల్లల్లో కొత్త లక్షణాలు తెప్పిస్తోందనీ.. ఇదివరకు వచ్చిన వేవ్స్‌లో ఇలాంటి లక్షణాలు కనిపించలేదని తెలిపారు.
ఎక్కువ జ్వరం, జలుబు, దగ్గు, కళ్లలో పుసి, కళ్లకు దురద, కండ్లకలక, జిగట కళ్ళు వంటి లక్షణాలు కనిపిస్తున్నట్లు ఉత్తరప్రదేశ్ బిజ్నోర్‌ లోని మంగళ హాస్పిటల్ అండ్ రీసెర్చ్ సెంటర్ లోని ఇండియన్ అకాడెమీ ఆఫ్ పిడియాట్రిక్స్ అండ్ కన్సల్టెంట్ పిడియాట్రీషియన్ మాజీ కన్వీనర్ విపిన్ ఎం వశిష్ట తెలిపారు.
ప్రపంచ ఆరోగ్య సంస్థ (WHO) అధికారి మారియా వాన్ కెర్ఖోవ్ మాత్రం ఈ కొత్త వేరియంట్ అంత తీవ్రమైనది కాదని తెలిపారు. ఐతే.. వైరస్‌లో మార్పులు వచ్చి ఇది తీవ్రమైనది అయ్యే అవకాశం ఉంది అన్నారు. అప్రమత్తంగా ఉండటం అవసరం అని తెలిపారు.
