యుఎస్ లో భారతీయులు ప్రశాంతంగా వుండే పరిస్థితి కనిపించడం లేదు. అమెరికా అధ్యక్షుడుగా ట్రంప్ రావడంతో భారతీయులకు కష్టాలు మొదలయ్యాయి. ఇప్పటికే అక్రమ వలసదారులపై ఉక్కు పాదం మోపుతున్న ట్రంప్, అమెరికాలో పార్ట్ టైం ఉద్యోగాలు చేస్తున్న విద్యార్థుల పైన కూడా కఠినంగా వ్యవహరిస్తున్నారు. ఇదిలా ఉంటే ప్రస్తుతం అమెరికాలో ఉంటున్న వేలాది మంది భారతీయుల పిల్లల పరిస్థితి ఇప్పుడు ఆందోళనకరంగా ఉంది. హెచ్ వన్ బి వీసా హోల్డర్లు అయిన తల్లిదండ్రులపై ఆధారపడి, వారితో పాటు అమెరికా వెళ్ళిన పిల్లలు h4 వీసా కింద అప్పట్లో మైనర్లుగా వలస వెళ్లారు. అయితే ప్రస్తుతం వారి మైనారిటీ తీరి వారి వయసు 21 సంవత్సరాలకు చేరుకుంటూ ఉండటంతో వారి భవిష్యత్తు ప్రశ్నార్ధకంగా మారింది. అమెరికాలోని ఇమిగ్రేషన్ చట్టాల ప్రకారం వారు హెచ్ వన్ బి వీసా హోల్డర్ ఆయిన తల్లిదండ్రులపైన ఆధారపడటానికి అర్హత ఉండదు.
ఇక ఈ భయం భారతీయులను మరింత ఇబ్బంది పెడుతుంది. తాజా పరిణామాలతో చాలామంది ఇప్పుడు కెనడా, యూకే వంటి దేశాలకు వలస వెళుతున్నారు. ఇక తమను తాము రక్షించుకోవడానికి ఇతర మార్గాలను అన్వేషించుకుంటున్నారు. మరోవైపు అమెరికాలో ఉపాధి ఆధారిత గ్రీన్ కార్డు వ్యవస్థలో భారీ స్థాయిలో పెండింగ్ అప్లికేషన్స్ ఉండడం వలన అది భారతీయ వలసదారులను ప్రభావితం చేస్తుంది. మేజర్లు అయిన హెచ్ 1 బీ వీసాదారుల పిల్లల భవిష్యత్ పై సందిగ్ధత తల్లిదండ్రులు ఉద్యోగాల మీద యుఎస్ వెళ్తే వారితో పాటు మైనర్లుగా యూఎస్ కి వెళ్లిన పిల్లలు ఇప్పుడు మైనారిటీ తీరి 21వ పుట్టినరోజు చేసుకుంటున్న వేళ వారి పరిస్థితి ఏమిటి అన్నది దారుణమైన సందిగ్ధతగా మారింది. యూఎస్ లో ఇలాంటివారు వేరే వీసా విధానానికి మారడానికి రెండు సంవత్సరాలు గ్రేస్ పీరియడ్ ఉంటుంది.
దిక్కు తోచని స్థితిలో 1.34 లక్షల మంది ఉన్నారు. అయితే ప్రస్తుతం ట్రంప్ తీసుకువచ్చిన కొత్త విధానాలు, కొనసాగుతున్న కోర్టు కేసుల పుణ్యం తో ఈ గ్రేస్ పీరియడ్ నిబంధన ఇప్పుడు అమలులో ఉందా లేదా అన్న సందిగ్ధత కూడా కొనసాగుతుంది. అయితే దీనిపై ఎవరూ స్పష్టత ఇవ్వడం లేదు. సుమారు 1.34 లక్షల మంది భారతీయ హెచ్ వన్ బి వీసా డిపెండెంట్ వీసా నుండి బయటకు వస్తున్న వారి పరిస్థితి అగమ్యగోచరంగా మారింది. ఇండియా నుంచి వెళ్లి ఇంతకాలం పనిచేస్తున్న తల్లిదండ్రులు గ్రీన్ కార్డు కోసం ఎదురు చూస్తుంటే, వీరికి తాజా పరిణామాలతో అక్కడ ఉండే అర్హత లేకపోవడం ఇబ్బంది కలిగిస్తుంది. ఇక ఇదే సమయంలో డిఫర్డ్ యాక్షన్ ఫర్ చైల్డ్ హుడ్ అరైవల్ కింద కొత్త దరఖాస్తుదారులకు వర్క్ పర్మిట్లను ఇవ్వకుండా నిలిపివేస్తూ ఇటీవల టెక్సాస్ కోర్టు ఇచ్చిన తీర్పు ఈ గందరగోళాన్ని మరింత పెంచింది. ఇక ఈ అనిశ్చితితో అక్కడి భారతీయులు, వారి పిల్లలు భవిష్యత్తు పైన తీవ్ర ఆందోళనలో ఉన్నారు.
