సూపర్ స్టార్ మహేష్ బాబు, దర్శక ధీరుడు రాజమౌళి కాంబినేషన్‌లో వస్తున్న భారీ సినిమా #SSMB29 షూటింగ్ వీడియో లీక్ కావడం కలకలం రేపుతోంది. ప్రస్తుతం బెంగళూరు అడవుల్లో షూటింగ్ జరుగుతుండగా, ఓ వ్యక్తి ఫోన్‌లో రికార్డ్ చేసి సోషల్ మీడియాలో పోస్ట్ చేయడంతో ఈ వీడియో వైరల్‌గా మారింది.
లీకైన వీడియోలో మహేష్ బాబు విలన్లతో తలపడే సన్నివేశాలు కనిపించాయి. మహేష్ మోకాళ్లపై కూర్చొని ఉన్న దృశ్యంతో పాటు, ప్రముఖ కన్నడ హీరో పృథ్వీరాజ్ వీల్‌చైర్‌లో కనిపించడం హైలైట్‌గా మారింది. ఈ లీక్‌పై మహేష్ ఫ్యాన్స్ తీవ్ర అసహనం వ్యక్తం చేస్తున్నారు.
ఇక కథానాయికల విషయానికి వస్తే, బాలీవుడ్ స్టార్ ప్రియాంక చోప్రా ఓ ముఖ్యమైన పాత్రలో నటించనున్నట్లు సమాచారం. అలాగే, మెయిన్ హీరోయిన్‌గా ఇండోనేషియన్ బ్యూటీ చెల్సియా ఇస్లెన్ ఎంపికైనట్లు టాలీవుడ్ వర్గాల్లో చర్చ నడుస్తోంది. ఇప్పటికే ఆమె స్క్రీన్ టెస్ట్ పూర్తయిందని, మరోవైపు మ్యూజిక్ డైరెక్టర్ కీరవాణి రీ-రికార్డింగ్ పనులు ప్రారంభించారని రచయిత విజయేంద్ర ప్రసాద్ వెల్లడించారు.
ఈ లీక్ సినిమాపై మరింత హైప్ క్రియేట్ చేసినా, షూటింగ్ సీక్రసీపై యూనిట్ మరింత జాగ్రత్త వహించాలని అభిమానులు డిమాండ్ చేస్తున్నారు. ఇప్పటి వరకు చిత్రబృందం ఈ లీక్‌పై ఎలాంటి అధికారిక ప్రకటన చేయలేదు.
