Ram Charan -Upasana :మాల్దీవ్స్ లో ఎంజాయ్ చేస్తున్న రామ్ చరణ్ దంపతులు
టాలీవుడ్ మోస్ట్ కపుల్ రామ్ చరణ్, ఉపాసన త్వరలోనే తల్లిదండ్రులు కాబోతున్న విషయం అందరికీ తెలిసిందే. అయితే ఈ మెగా హీరో సినిమాలకు ఎంత ప్రాధాన్యం ఇస్తారో ఫ్యామిలీకి కూడా అంతకంటే ప్రాధాన్యత ఇస్తారు. ఏమాత్రం సమయం దొరికినా కుటుంబ సభ్యులతో గడిపేందుకు ఇష్టపడుతాడు. ఈ నేపథ్యంలో రామ్ చరణ్ తన భార్యతో మాల్దీవ్స్ టూరుకు వెళ్లాడు. అక్కడ తన భార్యతో కలిసి ఎంజాయ్ చేస్తున్నాడు. అయితే త్వరలోనే వారసుడు రాబోతోన్నాడని మెగా జంట ఆనందపడుతోంది. అయితే కడుపుతో ఉన్న భార్య కోరికలను తీర్చాలని ఏ భర్త అయినా అనుకుంటాడు. అందుకే ఇప్పుడు ఉపాసనను దేశాటనకు తీసుకెళ్లినట్టుగా కనిపిస్తోంది. దుబాయ్‌లో ఉపాసన సీమంతం వేడుకలను జరిపించిన రామ్ చరణ్.. ఇప్పుడు మళ్లీ మాల్దీవులకు వెకేషన్ కోసం తీసుకెళ్లాడు. ఈ మేరకు ఎయిర్ పోర్ట్ వద్ద చెర్రీ, ఉపాసన ఇలా స్టైలీష్‌గా కనిపించారు.గత శనివారం హైదరాబాద్ ఎయిర్ పోర్ట్ లో కనిపించారు. చరణ్, ఉపాసన సౌకర్యవంతమైన దుస్తుల్లో మల్దీవ్స్ కు బయలుదేరారు .ఇప్పటికే దుబాయ్ లో బేబీ షవర్ వేడులకు సెలబ్రేట్ చేసుకున్న ఈ జంట ఈ విహారయాత్రలో బిజీ బిజీగా ఉన్నారు. దుబాయ్‌లో తమ సన్నిహితులతో బేబీ షవర్ ఫంక్షన్‌ను జరుపుకున్నారు. ఆ సందర్భంగా ఉపాసన తన బేబీ బంప్‌ను ప్రదర్శించింది. ఆ వేడుకకు కోసం చరణ్, ఉపాసన 1.5 కోట్ల ఖర్చు పెట్టినట్టు తెలుస్తోంది.
అయితే శంకర్ కూడా తన ఇండియన్ 2 సినిమా షూటింగ్ షెడ్యూల్‌ను తైవాన్‌లో కంప్లీట్ చేసుకున్నాడు. తిరిగి వచ్చాక మళ్లీ గేమ్ చేంజర్ సినిమాతో బిజీగా అవుతాడని తెలుస్తోంది. అంతలోపు రామ్ చరణ్ కూడా తిరిగి వస్తాడని సమాచారం.
క్రితం నెలలో జరిగిన రామ్ చరణ్ బర్త్ డే సందర్భంగా రిలీజ్ చేసిన ఫస్ట్ లుక్, టైటిల్ గ్లింప్స్‌కు ఏ రేంజ్‌లో రెస్పాన్స్ వచ్చిందో అందరికీ తెలిసిందే. ఈ సినిమాను వచ్చే ఏడాది సంక్రాంతికి బరిలో దించాలని దిల్ రాజు గట్టిగా ప్లాన్ వేసిన సంగతి తెలిసిందే.
