తెలంగాణ ఆర్థిక, వైద్యారోగ్యశాఖ మంత్రి హరీష్ రావు పుట్టినరోజు నేడు. రాజకీయ, సినీ, వ్యాపార రంగాల ప్రముఖులు, ఆయనకరు జన్మదిన శుభాకాంక్షలు తెలుపుతున్నారు. హరీష్ రావు పుట్టినరోజు సందర్భంగా జన్మదిన శుభాకాంక్షలు బావ అని టీఆర్ఎస్ ఎమ్మెల్సీ కవిత విషెస్ తెలిపారు. ఆయురారోగ్యాల‌తో, నిండు నూరేళ్లు జీవించాల‌ని ఆకాంక్షిస్తున్నట్లు తన ట్వీట్‌లో కవిత పేర్కొన్నారు. ఈ సందర్భంగా గతంలో జరిగిన ఓ కార్యక్రమంలో ఇద్దరూ కలిసి పాల్గొన్న ఫోటోను షేర్ చేశారు. కవిత షేర్ చేసిన ఫోటోను పలువురు రిట్వీట్ చేస్తున్నారు.
నేడు ఆయన పుట్టినరోజు సందర్భంగా మంత్రి హరీష్ రావు గురువారం రాత్రి కాలినడకన తిరుమల చేరుకున్నారు. హరీష్ రావు తిరుమల పర్యటన సందర్భంగా టీటీడీ అధికారులు ఘన స్వాగతం పలికి దర్శన ఏర్పాట్లు చేశారు. అనంతరం అభిషేక సేవలో పాల్గొని తలనీలాలు సమర్పించి మొక్కులు చెల్లించుకున్నారు మంత్రి హరీష్ రావు. తర్వాత వేద పండితులు హరీశ్ కు వేదాశీర్వచనం చేశారు. స్వామివారి తీర్ధ ప్రసాదాలను అందజేశారు. ఆయన నేటితో 50వ ఏట అడుగుపెడుతున్న సందర్భంగా తిరుమల శ్రీవారి ఆశీస్సులు పొందడానికి తిరుమ‌లకు విచ్చేసినట్లు దర్శనం అనంతరం మీడియాతో మాట్లాడుతూ హరీష్ రావు తెలిపారు.
మంత్రి హరీష్ రావు బర్త్ డే సందర్భంగా ఆయన అభిమానులు సిద్దిపేటలో పలు సేవాల కార్యక్రమాలు చేపట్టారు. అయితే ప్రజలకు ఉపయోగపడే పనుల ద్వారా మాత్రమే తన బర్త్ డే ఈవెంట్లు చేపట్టి వేడుకలు జరపాలని పార్టీ శ్రేణులకు, తన అభిమానులకు హరీష్ రావు గురువారం నాడు సూచించారు.
అలాగే రాజ్యసభ ఎంపీ జోగినపల్లి సంతోష్ కుమార్ కూడా హరీష్ రావుకు బర్త్‌డే విషెస్ చెప్పారు. ఈ ప్రత్యేకమైన రోజు గ్రీన్ ఇండియా ఛాలెంజ్‌లో భాంగగా మెుక్కలు నాటాలని సూచించారు. పర్యావరణహితం కోసం చేపట్టిన ఈ చిన్ని కార్యక్రమంలో పాలుపంచుకోవాలని సంతోష్ విజ్ఞప్తి చేశారు. బీఆర్ఎస్ పార్టీ తరపున కూడా ఆయనకు బర్త్ డే విషెస్ చెప్పారు. ఇక ఆయన అభిమానులు, అనుచరులు, బీఆర్ఎస్ కార్యకర్తలు కూడా పెద్ద ఎత్తున బర్త్‌డే విషెస్ చెబుతున్నారు. సోషల్ మీడియాలో ‘హ్యాపీ బర్త్‌డే హరీషన్న’ అనే ట్యాగ్‌లైన్ ట్రెండింగ్‌లో ఉంది.
Wishing @trsharish Bava a happy birthday. May you be blessed with good health and a long life pic.twitter.com/MF7d3nH7Tc
— Kavitha Kalvakuntla (@RaoKavitha) June 3, 2022
