Group-1 Paper Leak : గ్రూప్ -1 పేపర్ లీక్ ? తెలంగాణ ప్రభుత్వం ఆగ్రహం
తెలంగాణ వ్యాప్తంగా టీఎస్‌పీఎస్‌సీ (TSPSC)పేపర్ లీక్ ఘటన పెను దుమారం రేపుతోంది. ఈ కేసులో ఇప్పటికే పలువురు నిందితులను అదుపులోకి తీసుకున్న పోలీసులు లోతుగా విచారిస్తున్నారు. ముందుగా టౌన్ ప్లానింగ్ పరీక్షా పేపర్ లీక్ జరిగినట్లు గుర్తించగా తాజాగా ఈనెల 5న జరగిన ఏఈ పరీక్షా పత్రం లీకైనట్లు పోలీసు విచారణలో వెల్లడైంది. దీంతో గతేడాది నిర్వహించిన గ్రూప్ -1 పరీక్షా పేపర్ కూడా లీకై ఉండి ఉండొచ్చని పలువులు అనుమానం వ్యక్తం చేస్తున్నారు. పేపర్ లీక్ కేసులో నిందితుడిగా ఉన్న ప్రవీణ్ గతంలో గ్రూప్-1 పరీక్ష రాయటం అతడికి అందులో 103 మార్కులు రావటం అనుమానాలకు బలం చేకూరుస్తోంది. గ్రూప్ -1 పరీక్షకు 2.86 లక్షల మంది అభ్యర్థులు హాజరు కాగా 1:50 నిష్పత్తిలో 25, 050 మంది అభ్యర్థులు మెయిన్స్‌కు క్వాలిఫై అయ్యారు. వారందరూ జూన్‌లో జరగాల్సిన మెయిన్స్ పరీక్షకు ప్రిపేర్ అవుతున్నారు.
ఈ తరుణంలో పేపర్ లీక్ ఘటన వారిలో మరింత ఆందోళన కలిగిస్తోంది. అభ్యర్థులకు గ్రూప్-1 పరీక్షను కూడా రద్దు చేస్తారనే టెన్షన్ పట్టుకుంది. హైదరాబాద్ శాంతి భద్రతల అదనపు సీపీ విక్రమ్ సింగ్ కీలక వ్యాఖ్యలు చేశారు. గ్రూప్ -1 పేపర్ లీక్ అంశంపై ఇంకా స్పష్టత లేదని చెప్పారు. గ్రూప్-1 పేపర్ లీక్ అయినట్లు తమ దృష్టికి రాలేదని అన్నారు. ఇప్పటివరకు ఈ అంశంపై ఎవరూ ఎలాంటి ఫిర్యాదు చేయలేదన్నారు. దర్యాప్తులో భాగంగా నిందితుడు ప్రవీణ్ సెల్‌ఫోన్‌లో ఏడుగురి మహిళల నగ్న చిత్రాలను గుర్తించినట్లు సీపీ వెల్లడించారు. సెల్‌ఫోన్‌ను ఫోరెన్సిక్‌ ల్యాబ్‌కు పంపించామని చెప్పారు. ప్రస్తుతం ఏఈ పేపర్ లీకేజీకి సంబంధించిన కేసు దర్యాప్తు మాత్రమే కొనసాగుతోందని అన్నారు. ఇప్పటివరకు ప్రవీణ్‌తో పాటు 9 మందిని అరెస్టు చేశామని వివిధ కోణాల్లో కేసు దర్యాప్తు చేస్తున్నామని వెల్లడించారు.
ఇక ఈ పేపర్ లీక్ ఘటన తీవ్ర దుమారం రేగటంతో టీఎస్‌పీఎస్‌పై తెలంగాణ ప్రభుత్వం ఆగ్రహం వ్యక్తం చేసింది. అయితే ఘటనకు సంబంధించిన వివరాల పై ప్రభుత్వం ఆరా తీసింది. పేపర్ లీక్ ఘటనపై సమగ్ర దర్యాప్తు చేయాలని ఆదేశించింది. ఈ మేరకు టీఎస్‌పీఎస్‌సీ ఉన్నతాధికారులు సమావేశమయ్యారు. పరీక్షల నిర్వహణ, గతంలో జరిగిన పరీక్షలపై ఎలాంటి నిర్ణయం తీసుకుంటారో తెలియాలిసివుంది.
ఇది కూడా చదవండి :
