జనసేన పార్టీ తరఫున ఎమ్మెల్సీగా ఎన్నికైన నాగబాబు పై ఆయన సోదరుడు, మెగాస్టార్ చిరంజీవి స్పందించారు. తన తమ్ముడు ఆంధ్రప్రదేశ్ శాసనమండలిలో అడుగుపెడుతున్నందుకు గర్వంగా ఉందని చిరంజీవి తెలిపారు. ప్రజా సమస్యలపై గళం విప్పాలని, ప్రజల అభివృద్ధి కోసం నిరంతరం కృషి చేయాలని సూచించారు.
ఇటీవల ఎమ్మెల్యే కోటా ద్వారా జరిగిన ఎమ్మెల్సీ ఎన్నికల్లో జనసేన తరఫున కొణిదెల నాగబాబు ఏకగ్రీవంగా ఎన్నికయ్యారు. దీనిపై పలువురు రాజకీయ, సినీ ప్రముఖులు శుభాకాంక్షలు తెలిపారు. ఇక, చిరంజీవి కూడా ఎట్టకేలకు తన స్పందనను సోషల్ మీడియా వేదికగా తెలియజేశారు.
ట్విట్టర్ (ఇప్పటి X) లో చిరంజీవి తన సంతోషాన్ని పంచుకుంటూ ట్వీట్ చేశారు. “ఎమ్మెల్సీగా ఎన్నికై శాసనమండలిలో అడుగు పెట్టబోతున్న నా తమ్ముడు నాగబాబుకు హృదయపూర్వక అభినందనలు. ప్రజా సమస్యలపై గళం విప్పుతూ, వారి అభివృద్ధికి ఎల్లప్పుడూ పాటుపడాలని ఆశిస్తున్నాను” అని పేర్కొన్నారు.
మెగాస్టార్ ట్వీట్ వైరల్ అవుతుండగా, మెగా అభిమానులు, జనసేన కార్యకర్తలు దీనిని పెద్ద ఎత్తున షేర్ చేస్తున్నారు. చిరంజీవి ఆశీర్వాదంతో, తన నూతన రాజకీయ ప్రయాణాన్ని నాగబాబు మరింత శక్తివంతంగా కొనసాగిస్తారన్న విశ్వాసం జనసేన వర్గాల్లో వ్యక్తమవుతోంది.
ఎమ్మెల్సీ గా ఎన్నికయి ఆంధ్రప్రదేశ్ శాసనమండలి లో తొలి సారి అడుగు పెట్టబోతున్న నా తమ్ముడు నాగేంద్రబాబు @NagaBabuOffl కి నా అభినందనలు,ఆశీస్సులు!💐
ప్రజా సమస్యల మీద గళం విప్పుతూ, వారి అభివృద్ధికి ఎల్లప్పుడూ పాటుపడేలా నువ్వు చేసే కృషిలో ఎప్పుడూ విజయం సాధించాలని, వారి అభిమానాన్ని…
— Chiranjeevi Konidela (@KChiruTweets) March 14, 2025
