Lokesh : భద్రతా బృందంపై కోడిగుడ్లు విసిరిన గుర్తి తెలియని వ్యక్తులు
Lokesh : నారా లోకేష్ యువగళం పాదయాత్రలో గురువారం రాత్రి ఉద్రిక్తత చోటు చేసుకుంది.
ప్రొద్దుటూరులో వైకాపా కవ్వింపు చర్యలకు పాల్పడుతోందని ఆరోపిస్తూ లోకేష్ నిరసనకు దిగారు.
వైఎస్సార్‌ జిల్లాలో పాదయాత్రకు అడుగడుగునా ఆటంకాలు సృష్టిస్తున్నారని లోకేష్ పోలీసులపై మండిపడ్డారు.
గురువారం రాత్రి బహిరంగ సభ అనంతరం మైదుకూరు రోడ్డు మార్గంలో లోకేశ్‌ పాదయాత్ర సాగుతుండగా ఓ వ్యక్తి కోడిగుడ్డు విసరడంతో అది భద్రతా సిబ్బందిపై పడింది.
దీంతో Lokesh : నిరసనకు దిగారు. పోలీసులు వచ్చి సర్దిచెప్పే ప్రయత్నం చేయడంతో వారి తీరును దుయ్యబట్టారు.
వైకాపా కవ్వింపు చర్యలపై చర్యలు తీసుకోనందుకే ఇలాంటి ఘటనలు జరుగుతున్నాయని ఆగ్రహం వ్యక్తం చేశారు.
ఈ క్రమంలో కోడిగుడ్డు విసిరిన వ్యక్తిని తెదేపా కార్యకర్తలు పట్టుకొచ్చి దేహశుద్ధి చేశారు. చివరకు పోలీసులు సర్ది చెప్పడంతో లోకేష్ పాదయాత్ర కొనసాగింది.
అయితే ఇది అంతా నగరంలోని రిలయన్స్ పెట్రోల్ బంకులో గురువారం అర్థరాత్రి జరిగిన ఈ ఘటన స్థానికంగా కలకలం రేపింది.
‘అబ్బాయి… బాబాయిని చంపాడు’ పేరిట మాజీమంత్రి వివేకాతో పాటు సీఎం జగన్‌, ఎంపీ అవినాష్‌రెడ్డి చిత్రాలతో ముద్రించిన ప్లకార్డును లోకేశ్‌ ప్రదర్శించారు. ‘
బాబాయ్‌ను లేపేసింది ఎవరు?’ అంటూ ప్రజలను అడిగి వారి నుంచి సమాధానం రాబట్టే ప్రయత్నం చేశారు.
ఈ ప్లకార్డులను ప్రదర్శిస్తున్న తెదేపా కార్యకర్తలను వారిస్తూ డీఎస్పీ నాగరాజు లోకేశ్‌ వద్దకు చేరుకున్నారు.
‘అన్ని అనుమతులు తీసుకుని యాత్ర చేస్తున్నామని తమను రెచ్చగొట్టేలా వైకాపా వాళ్లు ఫ్లెక్సీలు పెట్టినప్పుడు ఎక్కడున్నారని డీఎస్పీని నిలదీశారు.
వైసీపీ ఫ్లెక్సీలను తొలగిస్తే తాము ప్లకార్డుల ప్రదర్శన ఆపేస్తామని లోకేశ్‌ అన్నారు.
సమాచారం అందుకున్న టీడీపీ కార్యకర్తలు రంగంలోకి దిగి అనుమానితులను పట్టుకుని పోలీసులకు అప్పగించారు.
అయితే పోలీసులు జోక్యం చేసుకోవడంతో పరిస్థితి ఉద్రిక్తంగా మారింది. అదుపులోకి తీసుకున్న అనుమానితులను పోలీస్ స్టేషన్ కు తరలించారు.
ముందుజాగ్రత్త చర్యగా ఆ ప్రాంతంలో భారీ బందోబస్తు ఏర్పాటు చేశారు.
ప్రొద్దుటూరును ఎమ్మెల్యే రాచమల్లు శివప్రసాద్‌రెడ్డి.. గ్యాంబ్లింగ్‌, క్రికెట్‌ బెట్టింగ్‌, మట్కా, గుట్కా, దొంగనోట్లు, ఇసుక అక్రమ
రవాణాకు అడ్డాగా మార్చేశారని లోకేశ్‌ ఆరోపించారు.మరోవైపు ప్రొద్దుటూరులో యువనేత నారా లోకేష్ చేపట్టిన యువగళం పాదయాత్రకు జనం పోటెత్తారు.
పాదయాత్ర దారిలో భారీగా రోడ్లపైకి వచ్చిన యువకులు, మహిళలు యువనేతకు ఘనస్వాగతం పలికారు.
టీడీపీ యువ గాలం పాదయాత్రను 2023 జనవరి 27న నారా Lokesh : ప్రారంభించారు.
కుప్పం నుంచి శ్రీకాకుళం వరకు 4 వేల కిలోమీటర్లు నడిచేలా రోడ్ మ్యాప్ తో 400 రోజుల పాటు ఆంధ్రప్రదేశ్ యువత కోసం పాదయాత్ర ప్రారంభించారు.
