Anand Mohan: జైలు నుంచి విడుదలైన బీహార్ డాన్

జైలు నుంచి విడుదలైన బీహార్ డాన్ ఆనంద్ మోహన్

Anand Mohan: గ్యాంగ్ స్టర్ నుంచి రాజకీయ నాయకుడిగా మారిన ఆనంద్ మోహన్ బీహార్ జైలు నుంచి విడుదలయ్యాడు. సోమవారం పాట్నాలో జరిగిన తన కుమారుడి నిశ్చితార్థ వేడుకకు హాజరైన సందర్భంగా ఆయనకు ఈ వార్త తెలిసింది. ఏప్రిల్ 10న నితీశ్ కుమార్ ప్రభుత్వం ఆయన విడుదలకు వీలుగా జైలు నిబంధనలను సవరించింది.

కుమారుడి నిశ్చితార్థం కోసం ఆనంద్ మోహన్ మూడోసారి పెరోల్ పై జైలు నుంచి బయటకు వచ్చారు. దాదాపు 30 ఏళ్ల క్రితం జరిగిన ఓ హత్య కేసులో ఆనంద్ మోహన్ జైలు నుంచి విడుదలయ్యాడని ఈ సందర్భంగా తెలియజేశారు.

1994లో గోపాల్ గంజ్ జిల్లా మేజిస్ట్రేట్ జి.కృష్ణయ్యను హత్య చేసిన కేసులో ఆనంద్ మోహన్ మూకకు నేతృత్వం వహించారు. మీడియాతో  మాట్లాడిన Anand Mohan తన విడుదలపై స్పందిస్తూ, ఈ రోజు కోసం తాను, తన మద్దతుదారులు ఏళ్ల తరబడి ఎదురుచూస్తున్నామని చెప్పారు.

ఆనంద్ మోహన్ కుమారుడి నిశ్చితార్థ వేడుకకు బీహార్ ముఖ్యమంత్రి నితీశ్ కుమార్, ఉప ముఖ్యమంత్రి తేజస్వి యాదవ్, జేడీయూ చీఫ్ లాలన్ సింగ్ సహా పలువురు రాజకీయ నేతలు, మంత్రులు హాజరయ్యారు.

పెద్ద కుమారుడు చేతన్ ఆనంద్ తన కాబోయే భార్య ఆయుషితో నిశ్చితార్థ ఉంగరాలను మార్చుకున్నాడు. పాట్నాలోని ఓ ఫామ్ హౌస్ లో వీరి నిశ్చితార్థం జరిగింది. నితీశ్ కుమార్ ప్రభుత్వం అధికారంలోకి వచ్చిన తర్వాత Anand Mohan విడుదల కావడం గమనార్హం. మోహన్ విడుదలకు వీలుగా 481 నిబంధన విధించింది.

2007లో జి.కృష్ణయ్య హత్య కేసులో ఆనంద్ మోహన్ కు ఉరిశిక్ష పడింది. అయితే 2008లో పాట్నా హైకోర్టు అతడి శిక్షను జీవిత ఖైదుగా మార్చింది. అప్పటి నుంచి ఆయన జైలులోనే ఉంటున్నారు. ఇప్పటి వరకూ 14 ఏళ్లు ఆయన జైలు జీవితం గడిపారు. దీంతో ఆయనను విడుదల చేయాలంటూ సమయం వచ్చినప్పుడల్లా ఆయన మద్దతుదారులు డిమాండ్ చేస్తున్నారు.  ఆనంద్ మోహన్ కుమారుడు, ఆర్జేడీ ఎమ్మెల్యే చేతన్ ఆనంద్ సైతం నితీష్‌కుమార్‌కు పలు విజ్ఞాపనలు  చేశారు.

అయితే  14 నుంచి 20 ఏళ్ల మధ్య జైలు శిక్ష అనుభవించి5న మరో 26 మంది ఖైదీలను విడుదల చేయాలని బీహార్ ప్రభుత్వం అధికారిక నోటిఫికేషన్ జారీ చేసింది.