ఆస్ట్రేలియా స్టార్ క్రికెటర్ ట్రావిస్ హెడ్ టెస్టు చాంపియన్‌షిప్ (WTC) చరిత్రలో ఓ అరుదైన రికార్డును నెలకొల్పాడు. డబ్ల్యూటీసీ మ్యాచ్‌ల్లో అత్యధిక సార్లు ‘ప్లేయర్ ఆఫ్ ది మ్యాచ్’ అవార్డును గెలుచుకున్న ఏకైక ఆటగాడిగా నిలిచాడు. ఇటీవల వెస్టిండీస్‌తో జరిగిన తొలి టెస్టులో మ్యాన్ ఆఫ్ ది మ్యాచ్‌గా ఎంపికైన హెడ్‌కు ఇది 10వ సారి అవ్వడం గమనార్హం. ఈ ఘనతను అతడు కేవలం 50 టెస్టుల్లోనే అందుకోవడం విశేషం.
ఇతర ఆటగాళ్లతో పోలిస్తే హెడ్ అద్భుతంగా ఆడటమే కాదు, ఆయన గేమ్‌లో ప్రభావాన్ని చూపే విధానం టీముని విజయపథంలో నడిపిస్తోంది. ప్రస్తుతం ఈ జాబితాలో అతని తర్వాతి స్థానాల్లో ఉన్నవారు:
బెన్ స్టోక్స్ – 5 సార్లు
జో రూట్ – 5 సార్లు
హ్యారీ బ్రూక్ – 4 సార్లు
🚨 HISTORY BY TRAVIS HEAD 🚨
– Travis Head becomes the first Player to win 10 POTM awards in WTC History, he completed the achievement from just 50 Tests. pic.twitter.com/H26PyjXHGq
— Johns. (@CricCrazyJohns) June 28, 2025
వెస్టిండీస్‌తో మ్యాచ్ విశ్లేషణ:
బ్రిస్బేన్‌లో జరిగిన తొలి టెస్టులో ఆస్ట్రేలియా తొలుత బ్యాటింగ్ చేసి కేవలం 180 పరుగులకు ఆలౌట్ అయింది. కానీ వెస్టిండీస్ కూడా ఎక్కువ స్కోరు చేయలేక 190 పరుగులకు పరిమితమైంది.
రెండో ఇన్నింగ్స్‌లో ట్రావిస్ హెడ్ మెరుపులు మెరిపించడంతో ఆసీస్ 310 పరుగులు చేసింది. దీంతో వెస్టిండీస్‌కు 301 పరుగుల భారీ లక్ష్యం దక్కింది. అయితే విండీస్ జట్టు 141 పరుగులకే కుప్పకూలింది.
దీంతో ఆస్ట్రేలియా 159 పరుగుల తేడాతో విజయం సాధించి ట్రావిస్ హెడ్ చరిత్ర సృష్టించేందుకు సహకరించింది.
