తెలంగాణ ప్రత్యేక పండుగ బతుకమ్మ (Bathukamma 2025) వచ్చేస్తోంది. ఈ నెల 21 నుంచి ఎంగిలిపూల బతుకమ్మతో వేడుకలు ప్రారంభం కానున్నాయి. తెలంగాణ ఉద్యమ కాలం నుంచి బతుకమ్మ వేడుకలను ప్రత్యేకంగా నిర్వహిస్తూ గుర్తింపు తెచ్చుకున్న కల్వకుంట్ల కవిత ఈసారి కూడా తన షెడ్యూల్‌ను ప్రకటించారు. ఉద్యమ సమయంలో బతుకమ్మను తెలంగాణ సాంస్కృతిక ప్రతీకగా నిలబెట్టడంలో కీలకపాత్ర పోషించిన కవిత, ఇప్పుడు బీఆర్ఎస్‌కి దూరం అవుతూ కొత్త పార్టీ పెడతారన్న ప్రచారం మధ్య ఈ వేడుకలు మరింత చర్చనీయాంశంగా మారాయి.
బతుకమ్మ పండుగ సందర్భంగా తెలంగాణ జాగృతి అధ్యక్షురాలు శ్రీమతి కల్వకుంట్ల కవిత గారి పర్యటన వివరాలు:
21న ఎంగిలిపూల బతుకమ్మ – చింతమడక (సిద్దిపేట జిల్లా)
22న తెలంగాణ జాగృతి కార్యాలయం – హైదరాబాద్
23న శ్రీరాంపూర్ (మంచిర్యాల జిల్లా)
(1/2)#KalvakuntlaKavitha #TelanganaJagruthi pic.twitter.com/7oDdSdiNqK
— Kavitha Manohar (@ManoharKolakani) September 18, 2025
కవిత బతుకమ్మ షెడ్యూల్:
21 సెప్టెంబర్ – ఎంగిలిపూల బతుకమ్మ @ చింతమడక (సిద్దిపేట జిల్లా)
22 సెప్టెంబర్ – తెలంగాణ జాగృతి కార్యాలయం, హైదరాబాద్
23 సెప్టెంబర్ – శ్రీరాంపూర్ (మంచిర్యాల జిల్లా)
24 సెప్టెంబర్ – వర్గల్ అమ్మవారి దర్శనం (సిద్దిపేట జిల్లా)
25 సెప్టెంబర్ – హర్యానా, మాజీ ఉప ప్రధాని దేవిలాల్ 112వ జయంతి ఉత్సవాలు
26–28 సెప్టెంబర్ – విదేశాల్లో బతుకమ్మ వేడుకలు
26 – ఖతార్
27 – మాల్టా
28 – లండన్
సొంత ఊరు మనుషులను చూస్తే మస్త్ సంబురం అయితది..
మనం పుట్టి పెరిగిన అదే ఊరు నుంచి మన అస్తిత్వానికి ప్రతీకగా నిలిచిన బతుకమ్మ పండుక్కు పిలిస్తే ఇంకెంత ఆనందం అనిపిస్తది.
చింతమడక గ్రామ ప్రజలు ఈ నెల 21 వ తారీఖు జరిగే ఎంగిలి పూల బతుకమ్మకు ఆహ్వానించడం జరిగింది.@RaoKavitha… pic.twitter.com/VJmr4ECfzb
— MANASA FOR KCR (@ManasaTelangana) September 11, 2025
ఇటీవల చింతమడక గ్రామస్తులు కవితను కలసి, సద్దుల బతుకమ్మ వేడుకల్లో పాల్గొనమని ఆహ్వానించారు. చింతమడక ప్రస్తుతం సిద్దిపేట నియోజకవర్గంలో ఉండగా, అక్కడ హరీష్ రావు బలమైన ప్రాతినిధ్యం వహిస్తున్నారు. ఉద్యమం నుంచి ఇప్పటి వరకు ఆయన భారీ మెజార్టీలతో గెలుస్తూ వస్తున్నారు.
ఇప్పుడు అదే ప్రాంతంలో కవితకు ఆహ్వానం రావడం, ముఖ్యంగా హరీష్ రావుపై ఆమె తీవ్ర ఆరోపణలు చేస్తున్న సమయంలో జరగడం రాజకీయంగా హాట్ టాపిక్‌గా మారింది. తండ్రి స్వగ్రామంలో కవిత ఏం మాట్లాడతారన్న దానిపై ఆసక్తి పెరిగింది.
