Jr NTR – Sr NTR: ఈ నెల 28 న ఎన్టీఆర్ విగ్రహం ఆవిష్కరణలో జూనియర్
Jr NTR – Sr NTR: టాలీవుడ్‌లో జూనియర్ ఎన్టీఆర్‌కు ఉన్న క్రేజ్ గురించి చెప్పవలసిన పని లేదు . అయితే ‘ఆర్‌ఆర్ఆర్’ సినిమా తర్వాత ఈ నందమూరి హీరో అందుకోలేనంత స్టార్‌డమ్‌ను సొంతం చేసుకున్నాడు. ఇప్పుడు జూనియర్ ఎన్టీఆర్ కి బిఆర్ స్ దగ్గర అవ్వాలని చూస్తోంది.ఎలా అనుకుంటున్నారా ‘ఎన్టీఆర్ శత జయంతి సందర్భంగా ఖమ్మం జిల్లా లకారం ట్యాంక్ బండ్‌పై విశ్వ విఖ్యాత నట సార్వభౌమ తెలుగుదేశం పార్టీ వ్యవస్థాపకుడు మాజీ ముఖ్యమంత్రి స్వర్గీయ నందమూరి తారక రామారావు 54 అడుగుల భారీ విగ్రహాన్ని ఆవిష్కరించనున్నారు. జూనియర్ ఎన్టీఆర్ విగ్రహాన్ని ఆవిష్కరించనున్నట్లుగా తెలుస్తోంది. ఎన్.టీ. రామారావు శత జయంతి సందర్భంగా మంత్రి పువ్వాడ అజయ్ కుమార్ తో కలిసి మే 28న యంగ్ టైగ‌ర్ ఎన్టీఆర్ ఆవిష్కరణ చేసే అవకాశం ఉంది. ఈ సందర్భంగా మంగళవారం మంత్రి పువ్వాడ అజయ్ కుమార్ ఎన్టీఆర్ ను ఆయన నివాసంలో కలిసి విగ్రహావిష్కరణ ప్రారంభానికి సంబంధించి ఏర్పాట్ల పై వారు చర్చించారు.
మే 28న శ్రీకృష్ణుని అవతారంలో ఎన్టీఆర్ పర్యాటకులను ఆకర్షించనున్నారు.ఇప్పటికే విగ్రహం తయారు పూర్తయింది. మే 28న పండుగ వాతావరణంలో మంత్రి పువ్వాడ అజయ్ కుమార్ ఆధ్వర్యంలో ఎన్టీఆర్ భారీ విగ్రహ ఆవిష్కరణను చేయనున్నారు. బేస్‌మెంట్‌తో కలిపి 54 అడుగులు ఎత్తు ఉండే ఈ విగ్రహంలో తల భాగం ఐదు అడుగులు, కాళ్ల భాగం ఐదు అడుగులు ఇంకా మొత్తం శరీర భాగం ఎత్తు మాత్రమే 45 అడుగులుగా ఉండనుంది. ఎటు చూసినా 36 అడుగుల పొడవు వెడల్పులతో వెయ్యి అడుగుల విస్తీర్ణం ఉండే బేస్‌మెంట్ పైన ఈ విగ్రహాన్ని అమర్చనున్నారు.
ఎన్టీఆర్ విగ్రహం ఆవిష్కరణలో జూనియర్
రూ.2.3 కోట్ల వ్యయం కానున్న ఈ విగ్రహం ఏర్పాటుకు అవసరమైన అన్ని అనుమతులను పొందడంలో రాష్ట్ర రవాణా మంత్రి పువ్వాడ అజయ్‌కుమార్ చొరవ చూపారు. అవసరమయ్యే నిధులను మంత్రి పువ్వాడ అజయ్ కుమార్, తానా సభ్యులతో పాటు పలువురు పారిశ్రామికవేత్తలు, వ్యాపారవేత్తలు, ఎన్నారైలు సహకరిస్తున్నారు. హైద‌రాబాద్ హుస్సేన్‌సాగ‌ర్ మ‌ధ్య‌లో బుద్దుని విగ్రహం మాదిరే.. ఖమ్మం లకారం ట్యాంక్‌బండ్‌పై శ్రీకృష్ణుడి రూపంలో ఈ ఎన్టీఆర్ విగ్రహాన్ని ఏర్పాటు చేయనున్నారు. బేస్‌మెంట్‌తో కలిపి 54 అడుగులు ఎత్తు ఉండే ఈ విగ్రహం ఎటు చూసినా 36 అడుగుల పొడవు వెడల్పుతో వెయ్యి అడుగుల విస్తీర్ణం ఉండే బేస్‌మెంట్పై అమర్చనున్నారు.
ఈ విగ్రహావిష్కరణ తో ఎన్టీఆర్ కి బిఆర్ స్ దగ్గర అవ్వాలని చూస్తోంది. ఓ పక్క తెలుగుదేశం, సీనియర్ ఎన్టీఆర్ అభిమానులు ఎన్టీఆర్ శతజయంతి ఉత్సవాలు గత కొన్ని రోజులుగా చేస్తున్నా ఎందులోనూ ఎన్టీఆర్ పాల్గొనలేదు. ఇప్పుడు బిఆర్ స్ చేసే ఈ కార్యక్రమానికి ఎన్టీఆర్ వెళ్తుండటంతో తెలంగాణ రాజకీయాల్లో ఆసక్తి నెలకొంది.
ప్రస్తుతం తెలంగాణలో టీడీపీ ప్రాబల్యం అంతగా లేకపోయినా ఈ సారి మాత్రం పోటీ చేయాలని చూస్తుంది. ఇలాంటి నేపథ్యంలో బిఆర్ స్ పార్టీ ఎన్టీఆర్ కి దగ్గరవుతుండటంతో తెలంగాణ రాజకీయాల్లో ఆసక్తికర పరిణామాలు చోటు చేసుకోబోతున్నట్టు తెలుస్తుంది.
