సంగారెడ్డి మాజీ ఎమ్మెల్యే, టీపీసీసీ వర్కింగ్ ప్రెసిడెంట్ జగ్గారెడ్డి ఎప్పుడూ తన ప్రత్యేకమైన స్టైల్‌తో వార్తల్లో నిలుస్తుంటారు. రాజకీయాలకే పరిమితం కాకుండా, ఆయన సేవా కార్యక్రమాలపైనా విపరీతమైన శ్రద్ధ చూపుతున్నారు. ముఖ్యంగా క్యాన్సర్ బాధితులకు సహాయం చేస్తూ, వారి కుటుంబాలకు అండగా నిలుస్తున్నారు. తాజాగా, తీవ్ర అనారోగ్యంతో 9 ఏళ్లుగా బాధపడుతున్న చిన్నారి సుష్మకు 3 లక్షల రూపాయల సాయం చేసి, లైవ్‌లో ప్రకటించారు. అంతేకాక, హైదరాబాద్‌లోని కార్పొరేట్ ఆసుపత్రిలో చికిత్స అందిస్తానని హామీ ఇచ్చారు.
9 ఏళ్ళు గా తీవ్ర అనారోగ్యంతో ఉన్న బాలికకు జగ్గారెడ్డి చేయూత..
3 లక్షల ఆర్దిక సహాయం చేసిన జగ్గారెడ్డి..
హైదరాబాద్ లో కార్పోరేట్ ఆసుపత్రిలో బాలిక చికిత్స కు సహాయం చేస్తానని హామీ ఇచ్చిన జగ్గారెడ్డి..
తమ ధీన స్థితిని గాంధీ భవన్ మీడియా కు చెప్పడం తో విషయాన్ని జగ్గారెడ్డి కి… pic.twitter.com/SP9NtQEsjZ
— Turupu Jagga Reddy (@ImJaggaReddy) August 26, 2025
మహబూబాబాద్ జిల్లా కేసముద్రం మండలం పెనుగొండ గ్రామానికి చెందిన సుష్మ చిన్న వయసులో జరిగిన ప్రమాదంతో ఆరోగ్యం కోల్పోయింది. తొమ్మిదేళ్ల క్రితం దసరా సందర్భంగా అమ్మమ్మ ఇంట్లో పొరపాటున చీమల మందు కలిపిన ఆహారం తినడం వల్ల ఆమె అనారోగ్యానికి గురైంది. అప్పటి నుంచి మంచానికే పరిమితమైంది. ఆర్థిక ఇబ్బందుల కారణంగా సరైన వైద్యం అందించలేకపోతున్నామని ఆమె తండ్రి చెవుగాని మహేష్ బాధ వ్యక్తం చేశారు.
ఇటీవల ఈ విషయం మీడియా ద్వారా తెలిసిన జగ్గారెడ్డి వెంటనే స్పందించారు. చిన్నారి తండ్రి మహేష్‌ను పిలిపించి, వైద్యులతో మాట్లాడి అవసరమైన అన్ని పరీక్షలు చేయాలని సూచించారు. సర్జరీ అవసరం అయితే మరింత సహాయం చేస్తానని, అలాగే సీఎం రేవంత్ రెడ్డితో మాట్లాడి ప్రభుత్వ సహాయం కూడా అందేలా చూస్తానని హామీ ఇచ్చారు. ఇంకా ఇతర దాతలు కూడా ముందుకు వచ్చి సాయం చేయాలని కోరారు.
నా నియోజకవర్గం లో క్యాన్సర్ తో బాధపడే నిరుపేదలకు ట్రీట్ మెంట్ కోసం ఆర్థిక సహకారం అందించాలని నిర్ణయించుకున్నాను..
క్యాన్సర్ ట్రీట్ మెంట్ లక్షల రూపాయలతో కూడుకున్న వ్యవహారం కావడంతో పేదలు ఆర్థికంగా చితికిపోతున్నరు..
క్యాన్సర్ పేషంట్ ను పరామర్శించిన జగ్గారెడ్డి
క్యాన్సర్ పేషంట్… pic.twitter.com/j6Sli0AVNq— Turupu Jagga Reddy (@ImJaggaReddy) June 9, 2025
ఆర్థిక సహాయం చేయదలచినవారు నేరుగా చిన్నారి తండ్రి మహేష్ (ఫోన్: 9553461480) ను సంప్రదించాలని జగ్గారెడ్డి విజ్ఞప్తి చేశారు.
