సోషల్ మీడియా ఇన్‌ఫ్లూయెన్సర్లలో కొంత మంది కాసులకు కక్కుర్తి పడి చట్ట విరుద్ధ కార్యకలాపాలకు పాల్పడుతున్నారు. ముఖ్యంగా, బెట్టింగ్ యాప్లను ప్రమోట్ చేస్తూ యువతను ప్రలోభపెట్టడం వారి ఆదాయ వనరుగా మారింది. ఈ క్రమంలోనే, యూట్యూబర్ హర్షసాయిపై సైబరాబాద్ పోలీసులు కేసు నమోదు చేశారు.
ఈ విషయాన్ని టీఎస్‌ఆర్టీసీ ఎండీ, సీనియర్ ఐపీఎస్ అధికారి సజ్జనార్ వెల్లడించారు. సోషల్ మీడియా ద్వారా బెట్టింగ్ యాప్‌ల ప్రచారం చేస్తూ, లక్షల్లో సంపాదించేవారు వాస్తవానికి యువత జీవితాలతో చెలగాటం ఆడుతున్నారని ఆయన ఆగ్రహం వ్యక్తం చేశారు. “కోట్లలో సంపాదించి, కొంత మొత్తం ప్రజాసేవ పేరిట ఖర్చు చేస్తూ హీరోలుగా కనిపించాలని చూస్తున్నారు. కానీ వీరి అసలు స్వరూపం సమాజానికి పెద్ద ప్రమాదం” అని అన్నారు.
సజ్జనార్ ప్రజలకు హితవు పలుకుతూ, “ఇలాంటి సైబర్ నేరస్థులను వెంటనే అన్‌ఫాలో చేయండి. వారి అకౌంట్లను రిపోర్ట్ చేయండి. ఎవరైనా బెట్టింగ్ యాప్‌ల వల్ల నష్టపోతే వెంటనే పోలీస్ స్టేషన్‌లో ఫిర్యాదు చేయండి” అని సూచించారు.
ఇప్పటికే అనేక మంది యువత బెట్టింగ్ మత్తులో పడిపోయి, ఆర్థికంగా నష్టపోవడమే కాకుండా జీవితాలను కూడా కోల్పోయారు. ఈ సమస్యను తీవ్రంగా పరిగణించిన సజ్జనార్, బెట్టింగ్ యాప్‌లకు వ్యతిరేకంగా కఠిన చర్యలు తీసుకోవాలని పోలీసులకు సూచించారు.
ఈ నేపథ్యంలో, హర్షసాయి వంటి సోషల్ మీడియా ఇన్‌ఫ్లూయెన్సర్లపై చర్యలు మరింత తీవ్రంగా ఉండే అవకాశముంది. బెట్టింగ్ యాప్లను ప్రమోట్ చేసే వారిపై కేసులు నమోదు చేయడం, అరెస్టులు జరగడం ఇకపై మరింత ఎక్కువగా జరుగుతుందన్న సంకేతాలు కనిపిస్తున్నాయి.
సోషల్ మీడియా వినియోగదారులు ఇలాంటి భ్రమలకు గురికాకుండా జాగ్రత్తగా ఉండాలని, చట్ట విరుద్ధమైన కార్యకలాపాలను ప్రోత్సహించే వారిపై తగిన చర్యలు తీసుకోవాలని విశ్లేషకులు సూచిస్తున్నారు.
చేస్తున్న‌దే త‌ప్పు.. అదేదో సంఘ‌సేవ చేస్తున్న‌ట్టు ఎంత గొప్ప‌లు చెప్పుకుంటున్నాడో చూడండి. తాను బెట్టింగ్ యాప్లను ప్రమోట్ చేయ‌కుంటే ఎవ‌రో ఒక‌రు చేస్తార‌ని ఈయ‌న చేస్తున్నాడ‌ట. బుద్దుందా అసలు!
ఎంతో మంది అమాయ‌కుల ప్రాణాలు ఆన్‌లైన్ బెట్టింగ్‌కు బలైతుంటే క‌నీసం ప‌శ్చాత్తాపం లేదు.… pic.twitter.com/h0Vyxl2vXh
— V.C. Sajjanar, IPS (@SajjanarVC) March 15, 2025
A case against YouTuber HARSHA SAI @cyberabadpolice
I’m not just up against selective individuals—we, as a society, are battling an entire ecosystem of social media influencers who thrive on promoting betting apps. Whether they have millions of followers or just a few thousand,… https://t.co/SKlMjwFEAn pic.twitter.com/yTSGr9KWSE
— V.C. Sajjanar, IPS (@SajjanarVC) March 16, 2025
