ఏపీ లిక్కర్ స్కామ్ కేసులో ఏ4 నిందితుడిగా ఉన్న వైసీపీ ఎంపీ మిథున్ రెడ్డికి బిగ్ రిలీఫ్ లభించింది. ఆయనకు బెయిల్ మంజూరు చేయడం జరిగింది. విజయవాడ ఏసీబీ కోర్టు షరతులతో కూడిన బెయిల్ ను అందించింది. కోర్టు ఆదేశాల ప్రకారం, మిథున్ రెడ్డి వారంలో రెండు సార్లు SIT విచారణకు హాజరుపోవాలి. అలాగే, రెండు ష్యూరిటీలు మరియు రూ.2 లక్షల పూచీకత్తును సమర్పించాలి.
ముఖ్యంగా, మూడు వారాల క్రితం ఉపరాష్ట్రపతి ఎన్నికల్లో ఓటు వేయడానికి ఆయన మధ్యంతర బెయిల్ పొందిన విషయం తెలిసిందే. సెప్టెంబర్ 11న తిరిగి ఏసీబీ కోర్టులో హాజరైన ఆయనను SIT అధికారులు రాజమండ్రి సెంట్రల్ జైలుకు తరలించారు. మద్యం కుంభకోణం విచారణలో సరైన సమాధానాలు ఇవ్వకపోవడం, విచారణలో సహకరించకపోవడం కారణంగా మిథున్ రెడ్డిని జూలై 19న అరెస్ట్ చేయడం జరిగింది.
సుప్రీంకోర్టు నిబంధనల ప్రకారం, జైల్లో ఆయనకు అన్ని వసతులు కల్పించబడినట్లు తెలిపారు. ఈ కేసులో ఇప్పటికే ఏ-31 ధనుంజయ రెడ్డి, ఏ-32 కృష్ణమోహన్ రెడ్డి, ఏ-33 బాలాజీ గోవిందప్పలకు బెయిల్ మంజూరు చేయబడిన విషయం తెలిసిందే.
