ఇండియన్ అడ్మినిస్ట్రేటివ్ సర్వీస్‌లో చేరాలని లక్ష్యంగా పెట్టుకున్న లక్షలాది మందిలో ఉత్తరప్రదేశ్‌కు చెందిన శక్తి దూబే తన కలను నిజం చేసుకుంది. 2024 UPSC సివిల్స్ ఫలితాల్లో ఆల్ ఇండియా ఫస్ట్ ర్యాంక్ సాధించి దేశవ్యాప్తంగా అందరి దృష్టిని ఆకర్షించింది.
ప్రయాగ్‌రాజ్ నివాసి అయిన శక్తి, అలహాబాద్ యూనివర్సిటీ నుంచి బయోకెమిస్ట్రీలో గ్రాడ్యుయేషన్ పూర్తిచేశారు. 2018 నుంచే UPSC సిద్ధతలో నిమగ్నమయ్యారు. ఆమె ఎంచుకున్న ఆప్షనల్ సబ్జెక్ట్ – పొలిటికల్ సైన్స్ అండ్ ఇంటర్నేషనల్ రిలేషన్స్. చాహల్ అకాడమీ వారు పబ్లిష్ చేసిన శక్తి మాక్ ఇంటర్వ్యూ వీడియో ప్రస్తుతం సోషల్ మీడియాలో వైరల్‌గా మారింది.
UPSC 2024 – ముఖ్యమైన వివరాలు
ఈ ఏడాది UPSC ద్వారా 1056 పోస్టులు భర్తీ చేయనున్నారు.
ప్రిలిమ్స్ పరీక్ష: 2024 జూన్ 16
మెయిన్స్ పరీక్ష: సెప్టెంబర్ 20 నుంచి 29
ఇంటర్వ్యూలు: 2025 జనవరి 7-17 వరకు
ఈ పరీక్షల్లో శక్తి దూబే మొదటి స్థానం దక్కించుకోగా, హర్షిత గోయల్ రెండో ర్యాంక్ సాధించారు. తెలంగాణ, ఆంధ్రప్రదేశ్‌కు చెందిన అభ్యర్థులు ఈసారి తక్కువగా టాప్ 10 లో చోటు దక్కించుకున్నా, టాప్ 100 లో మాత్రం మెరిశారు.
తెలుగు తేజాల ప్రతిభ
సాయి శివాని – 11వ ర్యాంక్
బన్నా వెంకటేశ్ – 15వ ర్యాంక్
అభిషేక్ శర్మ – 38వ ర్యాంక్
రావుల జయసింహ రెడ్డి – 46వ ర్యాంక్
శ్రవణ్ కుమార్ రెడ్డి – 62వ ర్యాంక్
సాయి చైతన్య జాదవ్ – 68వ ర్యాంక్
ఎన్. చేతనరెడ్డి – 110వ ర్యాంక్
చెన్నంరెడ్డి శివగణేష్ రెడ్డి – 119వ ర్యాంక్
ఈ ఫలితాలు తెలుగువారికి గర్వకారణంగా నిలిచాయి. టాప్ 10లో ఎవరూ లేకపోయినా టాప్ 100లో మాత్రం అనేకమంది చొరవ చూపారు.
ఇలాంటి విజయాలు దేశవ్యాప్తంగా ఉన్న సివిల్స్ ఆశావహులకు స్ఫూర్తిదాయకంగా నిలుస్తాయి. శక్తి దూబే లాంటి అభ్యర్థులు నిరంతరం కృషితో లక్ష్యాలను ఎలా చేరుకోవచ్చో నిజమైన ఉదాహరణ.
