ప్రపంచ ప్రఖ్యాత ఎలక్ట్రిక్ కార్ల తయారీ సంస్థ టెస్లా (Tesla) ఎట్టకేలకు భారత మార్కెట్‌లోకి అడుగుపెట్టింది. దేశంలో తన తొలి కారును డెలివరీ చేస్తూ చరిత్ర సృష్టించింది. ఈ గౌరవం మహారాష్ట్ర రవాణా శాఖ మంత్రి ప్రతాప్ సర్నాయక్ దక్కించుకున్నారు.
ముంబైలోని బాంద్రా కుర్లా కాంప్లెక్స్‌లో ఏర్పాటు చేసిన టెస్లా తొలి ఎక్స్‌పీరియన్స్ సెంటర్ నుంచి ఆయన వైట్ కలర్ మోడల్ Y కారును తీసుకున్నారు.
#WATCH | Mumbai, Maharashtra: Delivery of the first Tesla (Model Y) car from ‘Tesla Experience Center’ at Bandra Kurla Complex, Mumbai being made to State’s Transport Minister Pratap Sarnaik.
‘Tesla Experience Center’, the first in India, was inaugurated on July 15 this year. pic.twitter.com/2Y69HnzyYG
— ANI (@ANI) September 5, 2025
టెస్లా ఎంట్రీ ఇండియాలో
భారత మార్కెట్లో టెస్లా కార్ల కోసం ఎంతోకాలంగా ఎదురుచూస్తున్నారు. ఇటీవలే ముంబైలో తన మొదటి షోరూమ్‌ను ప్రారంభించిన టెస్లా, మోడల్ Y కార్ల బుకింగ్స్ కూడా మొదలుపెట్టింది. ప్రస్తుతం చైనాలోని షాంఘై ఫ్యాక్టరీలో తయారైన ఈ కార్లను భారత్‌కు దిగుమతి చేస్తున్నారు.
మంత్రిగారి స్పందన
దేశంలో తొలి టెస్లా కారు కొనుగోలు చేయడం గర్వంగా ఉందని మంత్రి సర్నాయక్ తెలిపారు. ఈ కారును తన మనవడికి గిఫ్ట్ ఇవ్వాలని నిర్ణయించుకున్నారు. పర్యావరణ పరిరక్షణ, సుస్థిర రవాణా పద్ధతులపై యువతలో చైతన్యం పెంచడమే తన ఉద్దేశమని అన్నారు. మహారాష్ట్ర ప్రభుత్వం ఇప్పటికే ఎలక్ట్రిక్ వాహనాలకు ప్రోత్సాహం ఇస్తోందని, రాబోయే దశాబ్దంలో EV వినియోగం మరింత పెరుగుతుందని తెలిపారు.
VIDEO | Mumbai: First Tesla Model Y delivered from the BKC ‘Tesla Experience Center’ to Maharashtra Transport Minister Pratap Sarnaik. He says, “I consider myself fortunate to have bought the first Tesla car in India today. Through this, I want to spread awareness and encourage… pic.twitter.com/Xc5FA5XxIP
— Press Trust of India (@PTI_News) September 5, 2025
ధరలు, వేరియంట్లు
టెస్లా మోడల్ Y రెండు వేరియంట్లలో అందుబాటులో ఉంది.
రియర్ వీల్ డ్రైవ్ వేరియంట్ – రూ. 59.89 లక్షల ప్రారంభ ధర, ఒక్కసారి ఛార్జింగ్‌తో సుమారు 500 కి.మీ. రేంజ్.
లాంగ్ రేంజ్ వేరియంట్ – రూ. 67.89 లక్షల ప్రారంభ ధర, ఒక్కసారి ఛార్జింగ్‌తో సుమారు 622 కి.మీ. రేంజ్.
భవిష్యత్తు ప్రణాళిక
టెస్లా తొలి డెలివరీతో భారత్‌లో ప్రయాణం మొదలుపెట్టినా, అధిక దిగుమతి సుంకాల వల్ల ధరలు ఎక్కువగా ఉన్నాయనే అభిప్రాయం వినిపిస్తోంది. ఈ ఏడాదిలో కేవలం 350-500 కార్లను మాత్రమే దిగుమతి చేయాలని టెస్లా భావిస్తోంది. అయితే, భారత్‌లో భవిష్యత్తులో ప్లాంట్ ఏర్పాటు చేస్తే ధరలు గణనీయంగా తగ్గవచ్చని నిపుణులు అంచనా వేస్తున్నారు.
