బెంగళూరులో జరిగిన దురదృష్టకర తొక్కిసలాట ఘటనపై రాయల్ ఛాలెంజర్స్ బెంగళూరు (RCB) స్పందించింది. ఈ సంఘటనలో ప్రాణాలు కోల్పోయిన 11 మంది కుటుంబాలకు ఒక్కొక్కరికి రూ.10 లక్షల చొప్పున ఆర్థిక సాయం అందించనున్నట్లు ప్రకటించింది. అలాగే గాయపడిన వారిని ఆదుకునేందుకు ప్రత్యేకంగా “RCB కేర్స్” పేరిట ఫండ్‌ను ఏర్పాటు చేస్తున్నట్లు తెలిపింది.
ఈ ఘటన చిన్నస్వామి స్టేడియం వద్ద జరిగిన ఆర్సీబీ విజయోత్సవ వేడుకలో చోటుచేసుకుంది. వేలాది మంది అభిమానులు తరలి రావడంతో అపరిచితుల మధ్య తోపులాట జరగడం, అక్కడ జరిగిన తొక్కిసలాట కారణంగా 11 మంది ప్రాణాలు కోల్పోవడం విషాదకరం. మరో 50 మందికి పైగా తీవ్ర గాయాలపాలయ్యారు.
𝗢𝗳𝗳𝗶𝗰𝗶𝗮𝗹 𝗦𝘁𝗮𝘁𝗲𝗺𝗲𝗻𝘁: 𝗥𝗼𝘆𝗮𝗹 𝗖𝗵𝗮𝗹𝗹𝗲𝗻𝗴𝗲𝗿𝘀 𝗕𝗲𝗻𝗴𝗮𝗹𝘂𝗿𝘂
The unfortunate incident in Bengaluru yesterday has caused a lot of anguish and pain to the RCB family. As a mark of respect and a gesture of solidarity, RCB has announced a financial… pic.twitter.com/C50WID1FEI
— Royal Challengers Bengaluru (@RCBTweets) June 5, 2025
ఈ నేపథ్యంలో RCB తన అధికారిక ప్రకటనలో, “ఈ విషాద ఘటన RCB కుటుంబానికి తీవ్రమైన దుఃఖాన్ని కలిగించింది. మృతుల కుటుంబాలకు రూ.10 లక్షల చొప్పున ఆర్థిక సాయం అందించనున్నాం. అదనంగా గాయపడిన అభిమానుల కోసం ప్రత్యేక సహాయ నిధి ‘RCB కేర్స్’ స్థాపించబోతున్నాం,” అని వెల్లడించింది.
“మా ప్రతి విజయానికీ వెనుక మన అభిమానుల ప్రేమ ఉంది. వారు గుండెకాయలాంటివారు. ఈ సహాయ చర్యలు వారికి మనం ఎప్పుడూ తోడుగా ఉన్నామన్న సంకేతం” అని ట్వీట్ ద్వారా తెలిపింది.
