తెలుగు సినిమా పరిశ్రమకు అగ్రనాయకుడిగా పేరు పొందిన నందమూరి బాలకృష్ణ ఈ రోజు మరొక అవార్డుతో సత్కరించబడ్డారు. ఆయన దేశానికీ, సాంస్కృతిక రంగానికి చేసిన విశేష సేవల్ని గుర్తిస్తూ రాష్ట్రపతి శ్రీమతి ద్రౌపది ముర్ము గారి చేతుల మీదుగా పద్మ భూషణ్ అవార్డు అందుకున్నారు. ఈ ఘనత భారతీయ సినీ రంగంలో బాలకృష్ణ చేసిన అభివృద్ధి, బసవతారకం ఆస్పత్రి ద్వారా అందించిన సేవలకు ఇవ్వబడింది.
ఈ ఏడాది గణతంత్ర దినోత్సవం సందర్భంగా కేంద్ర ప్రభుత్వం వివిధ రంగాలలో సుదీర్ఘ కృషి చేసిన వారిని పద్మ అవార్డులతో సత్కరించింది. సినీ రంగంలో నందమూరి బాలకృష్ణ, అజిత్ కుమార్, శోభన, శేఖర్ కపూర్ వంటి ప్రముఖులను ఈ అవార్డు లభించింది.
నందమూరి బాలకృష్ణ ఈ కార్యక్రమంలో సాంప్రదాయ పంచెకట్టుతో హాజరై, అవార్డు అందుకున్నారు. ఆయన ఈ ఘనతను అభిమానులు, తోటి నటీనటులు, సాంకేతిక నిపుణులు మరియు నిర్మాతలందరికీ కృతజ్ఞతలు తెలిపి, తనకు శుభాకాంక్షలు తెలిపిన వారందరికీ ధన్యవాదాలు తెలిపారు.
గతంలో పద్మ భూషణ్ అవార్డు గురించి స్పందించిన బాలకృష్ణ, తన సినిమాయాత్రలో ఎంతో ముఖ్యమైన పాత్ర పోషించిన చలనచిత్ర రంగంలోని ప్రతి ఒక్కరికీ తన కృతజ్ఞతలను తెలియజేశారు. అలాగే, తనకు ఈ అవార్డు దక్కడం తన జీవితంలో మరిచిపోలేని ప్రయాణం అని, స్వర్గీయ నందమూరి తారకరామారావు గారి నుంచి ఈ వారసత్వాన్ని కొనసాగిస్తూ, సినీ రంగంలో తన కృషి మలుచుకుంటానని తెలిపారు.
Nandamuri Balakrishna Receives Prestigious Padma Bhushan from President Droupadi Murmu | TFPC #nandamuribalakrishna #balayya #padmabhushan #padmaawards pic.twitter.com/M63oQSS4Lj
— Telugu Film Producers Council (@tfpcin) April 28, 2025
ఫొటోలు వైరల్
ఈ కార్యక్రమం సంబంధించి దిగిన ఫొటోలు సోషల్ మీడియాలో వైరల్ అవుతున్నాయి. వాటిలో బాలకృష్ణ అవార్డు అందుకునే క్షణాలు, ఆయన ప్రత్యేకమైన పంచెకట్టు లుక్, మరియు ఆవిష్కరణ సందర్భంగా ఆయన భావోద్వేగం వ్యక్తం చేసే క్షణాలను అభిమానులు సోషల్ మీడియాలో పంచుకుంటున్నారు.
అవార్డు పై బాలయ్య రియాక్షన్
తనకు పద్మ భూషణ్ అవార్డు రావడం చాలా గొప్ప అనుభవం అని బాలకృష్ణ తెలిపారు. ఈ అవార్డు తనకు కలిగిన గొప్ప గౌరవాన్ని చూపిస్తుందని, ఈ గౌరవాన్ని అందించడానికి తన వెనుక ఉన్న ప్రేక్షకులు, అభిమానులు, మరియు చలనచిత్ర రంగంలోని ప్రతి ఒక్కరికీ ఆయన ప్రత్యేక కృతజ్ఞతలు తెలియజేశారు.
