Dubai Passport : దుబాయి ప్రభుత్వం కీలక నిర్ణయం.. పాస్‌పోర్ట్‌ రూల్స్‌లో భారీ మార్పులు!

దుబాయి ప్రభుత్వం పాస్‌పోర్ట్‌ నిబంధనల్లో కీలక మార్పులు చేసింది. కొత్త రూల్స్ ప్రకారం ఫోటో తప్పనిసరిగా స్పష్టంగా ఉండాలి, బ్యాగ్రౌండ్‌ తెల్లగా ఉండాలి. ఫోటో సైజ్‌ 630×810 పిక్సెల్స్‌గా ఉండాలి. ఫోటోలో ముఖం కనీసం 85% స్పష్టంగా కనిపించాలి. ముఖంలో ఎలాంటి హావభావాలు లేకుండా ఉండాలి. ఫోటో మొత్తం ఒకే రకమైన లైటింగ్‌లో ఉండాలి. ఎడిటింగ్‌ లేదా ఫిల్టర్లు వాడరాదు. కళ్లజోడు ధరించకూడదు. ముఖంపై ఎలాంటి వస్త్రాలు కప్పుకోవద్దు.

ముఖంపై నీడలు, మెరుపులు ఉండకూడదు. చర్మం సహజంగా కనిపించాలి. సమర్పించే ఫోటో మూడు నెలల కంటే పాతది కాకూడదు. మతపరమైన కారణాల వల్ల తల కప్పుకోవడానికి అనుమతి ఉంది కానీ ముఖంలోని అన్ని భాగాలు – గడ్డం నుండి నుదురు వరకు – స్పష్టంగా కనిపించాలి. ఈ కొత్త నిబంధనలు సెప్టెంబర్ 1 నుంచి అమల్లోకి రానున్నాయి.

ఈ మార్పులు ప్రధానంగా ఇంటర్నేషనల్ సివిల్ ఏవియేషన్ ఆర్గనైజేషన్ (ICAO) బయోమెట్రిక్ ప్రమాణాలకు అనుగుణంగా ఉన్నాయి. నిబంధనలు పాటించకపోతే పాస్‌పోర్ట్‌ అప్లికేషన్‌ రిజెక్ట్‌ అవుతుంది. కాబట్టి దరఖాస్తుదారులు తప్పనిసరిగా ఈ మార్పులను పాటించాలని దుబాయ్‌లోని భారతీయ కాన్సులేట్ సూచించింది.

ఈ కొత్త నిబంధనలతో పాస్‌పోర్ట్ దరఖాస్తు ప్రక్రియ వేగవంతం అవ్వడంతో పాటు భద్రత కూడా మెరుగుపడుతుందని అధికారులు చెబుతున్నారు. కాగా, యూఏఈలో దాదాపు 4 లక్షల మంది తెలుగు ప్రజలు ఉన్నారు.

Leave a Reply