అమెరికా అధ్యక్షుడు డోనాల్డ్ ట్రంప్ భారత్‌కు మరో బిగ్ షాక్ ఇచ్చారు. విదేశీ సినిమాలపై 100 శాతం ట్యాక్స్ విధించాలని ప్రకటించారు. ఈ నిర్ణయం భారతీయ సినిమాలపై ప్రభావం చూపనుందని, ముఖ్యంగా తెలుగు సినిమాలపై ఎక్కువ ప్రభావం పడే అవకాశం ఉందని నిపుణులు చెబుతున్నారు. అంటే, తెలుగు సినిమాలకు ఇప్పుడు వంద శాతం ట్యాక్స్ చెల్లించాల్సి ఉంటుంది.
ఇక అమెరికాలో విడుదల కానున్న ఇతర దేశాల సినిమాలపై కూడా 100 శాతం ట్యాక్స్ విధించనున్నారు. అదే సమయంలో, అమెరికాలో నిర్మించే సినిమాలకు మినహాయింపులు ఇచ్చారు. ఈ ట్యాక్స్ విధించిన ఉద్దేశ్యం విదేశీ సినిమాలతో అమెరికా బిజినెస్ దెబ్బతింటుందనే విషయాన్ని నిరోధించడమేనని పేర్కొన్నారు. అయితే, ఈ సుంకాలు ఎప్పటినుంచి అమల్లోకి వస్తాయనే విషయం మాత్రం ప్రకటించలేదు.
#NewsFlash | US President Donald Trump imposes 100% tariffs on all movies made outside the United States#Trump #DonaldTrump pic.twitter.com/ar7tWSHHN4
— CNBC-TV18 (@CNBCTV18Live) September 29, 2025
ట్రంప్ తన ట్రూత్ సోషల్ ఖాతాలో ఇలా పేర్కొన్నారు:
“అమెరికా వెలుపల నిర్మించే అన్ని సినిమాలపై 100 శాతం సుంకం విధించబోతున్నాం. మా సినిమా నిర్మాణ వ్యాపారాన్ని ఇతర దేశాలు దొంగిలించాయి. పిల్లాడి నుంచి మిఠాయిని దొంగిలించినట్లు మా వద్ద నుంచి లాక్కున్నాయి. ముఖ్యంగా కాలిఫోర్నియాకు ఉన్న బలహీన, అసమర్థ గవర్నర్‌ కారణంగా ఈ పరిస్థితి ఏర్పడింది. దీర్ఘకాలిక సమస్యను 100 శాతం సుంకాలు విధించడం ద్వారా పరిష్కరించి, అమెరికాను మరోసారి అగ్రస్థానంలో నిలుపుతాను.”
