భూకంప ధాటికి తూర్పు ఆసియా దేశాల్లో అలజడి
థాయ్‌లాండ్ రాజధాని బ్యాంకాక్‌లో భారీ భూకంపం సంభవించింది. రిక్టర్ స్కేల్‌పై 7.3 తీవ్రత నమోదవడంతో థాయ్‌లాండ్ ప్రభుత్వం అత్యవసర పరిస్థితిని (Emergency) ప్రకటించింది. ఈ భూకంప ప్రభావంతో పలు భవనాలు దెబ్బతిన్నాయి, ఓ బహుళ అంతస్తుల భవనం పూర్తిగా నేలమట్టమైంది. భయంతో ప్రజలు రోడ్లమీదికి పరుగులు తీశారు. జర్మనీకి చెందిన GFZ సెంటర్ ఫర్ జియోసైన్సెస్ ప్రకారం, శుక్రవారం మధ్యాహ్నం ఈ భూకంపం సంభవించింది. భూకంప ధాటికి పలు కీలక ప్రభుత్వ కార్యాలయాలు, ఆసుపత్రులు, షాపింగ్ మాల్స్ తాత్కాలికంగా మూతపడ్డాయి. విద్యుత్ సరఫరాలో అంతరాయమొచ్చింది.
Just experienced a 7.7 strength #earthquake in #Bangkok for close to 3 minutes. Its epicenter was Mandalay, Myanmar, over 1200 kms from here.
Despite the distance it swayed buildings; caused cracks, forced evacuations and rooftop pools cascaded much water to down below. Scary! pic.twitter.com/iIeV7WQWN6
— Joseph Çiprut (@mindthrust) March 28, 2025
మయన్మార్‌లో రెండుసార్లు భూకంపం
US Geological Survey వెల్లడించిన సమాచారం ప్రకారం, మయన్మార్‌లోని మోనివా నగరానికి తూర్పుగా 50 కిలోమీటర్ల దూరంలో, 10 కిలోమీటర్ల లోతున భూకంప కేంద్రం ఉంది. 12 నిమిషాల వ్యవధిలో మయన్మార్‌లో రెండు సార్లు భారీ భూకంపం సంభవించింది. మొదటి భూకంపం తీవ్రత 7.7 రిక్టర్ స్కేల్ గా నమోదైంది. దీని ప్రభావంతో బ్యాంకాక్ సహా అనేక ప్రాంతాల్లో భూకంప ప్రకంపనలు చోటుచేసుకున్నాయి. మయన్మార్‌లో ఇప్పటివరకు 20మంది మృతిచెందారు, అనేక మంది గాయాలపాలయ్యారు. మృతుల సంఖ్య ఇంకా పెరిగే అవకాశం ఉందని అక్కడి మీడియా పేర్కొంది. సహాయక చర్యలు ముమ్మరంగా కొనసాగుతున్నాయి.
A new high-rise building being constructed in Chatuchak, near the world’s largest weekend market, did not manage to survive the earthquake and collapsed quite massively! Hopefully no one got killed or badly inured. pic.twitter.com/ukyCEBXn7i
— Joseph Çiprut (@mindthrust) March 28, 2025
ఢిల్లీ, కోల్‌కతాలో స్వల్ప ప్రకంపనలు
భూకంప ప్రభావం తూర్పు ఆసియా దేశాలపై కూడా పడింది. భారతదేశంలోని ఢిల్లీ-ఎన్సీఆర్, కోల్‌కతా, ఇంఫాల్, మేఘాలయాల్లో స్వల్పంగా భూమి కంపించింది. ప్రజలు భయంతో భవనాలను విడిచి రోడ్ల మీదకు పరుగులు తీశారు. మేఘాలయ ఈస్ట్ గారో హిల్స్ ప్రాంతంలో రిక్టర్ స్కేల్‌పై 4 తీవ్రతతో ప్రకంపనలు నమోదయ్యాయి. అదే సమయంలో బంగ్లాదేశ్‌లో 7.3 తీవ్రత గల భూకంపం సంభవించినట్లు సమాచారం. భూకంప ప్రభావంతో బంగ్లాదేశ్‌లోని కొన్ని ప్రాంతాల్లో భవనాలు పాక్షికంగా దెబ్బతిన్నాయి.
🚨 7.7 Magnitude Earthquake Hits Mandalay, Myanmar
Multiple buildings destroyed in devastating quake.#Myanmar #Earthquake #แผ่นดินไหว pic.twitter.com/fgQTBlUqjw
— Weather Monitor (@WeatherMonitors) March 28, 2025
భూకంప ప్రభావంపై అప్‌డేట్స్
భూకంప ప్రభావిత దేశాల్లో సహాయ చర్యలు ముమ్మరంగా సాగుతున్నాయి. థాయ్‌లాండ్, మయన్మార్, భారత్, బంగ్లాదేశ్‌లో ప్రభుత్వాలు అప్రమత్తంగా ఉన్నాయి. మృతుల సంఖ్య పెరిగే అవకాశం ఉండటంతో సహాయక చర్యలను వేగవంతం చేశారు.
భూకంపం తర్వాత బులియ‌న్ మార్కెట్‌లో ప్రభావం కనిపించింది. మయన్మార్, థాయ్‌లాండ్ వంటి దేశాల్లో బంగారం, వెండి ధరలు స్వల్పంగా పెరిగాయి. అదే సమయంలో భూకంప ప్రభావం కారణంగా విమాన సర్వీసులు రద్దయ్యాయి. దీంతో ప్రభుత్వాలు ప్రజలను అప్రమత్తంగా ఉండాలని హెచ్చరించాయి.
