ఆసియా కప్ 2025 షెడ్యూల్‌లో ఆసియా క్రికెట్ కౌన్సిల్ (ACC) కొన్ని ముఖ్యమైన మార్పులు చేసింది. సెప్టెంబర్ 9 నుంచి యూఏఈ వేదికగా ప్రారంభం కానున్న ఈ టోర్నీలో మ్యాచ్‌ల టైమింగ్స్‌లో సవరణలు చేశారు.
మొదట రాత్రి 7:30 గంటలకు ప్రారంభం కావాల్సిన మ్యాచ్‌లు ఇప్పుడు రాత్రి 8 గంటలకు జరగనున్నాయి. అలాగే సాయంత్రం 4 గంటలకు జరగాల్సిన మ్యాచ్‌లు సాయంత్రం 5:30 నిమిషాలకు ప్రారంభం అవుతాయని ఏసీసీ ప్రకటించింది. దుబాయ్‌లో తీవ్ర ఉక్కపోత, వేడిగాలుల కారణంగా ఆటగాళ్ల ఆరోగ్యాన్ని దృష్టిలో పెట్టుకుని ఈ నిర్ణయం తీసుకున్నట్లు సమాచారం.
ఆసియా కప్‌లో మొత్తం 8 జట్లు పోటీపడనున్నాయి. ఫైనల్‌తో కలిపి 18 మ్యాచ్‌లు ఈ టోర్నీలో జరుగుతాయి. తొలి మ్యాచ్ సెప్టెంబర్ 9న ఆఫ్ఘనిస్తాన్-హాంకాంగ్ మధ్య జరగనుంది. సెప్టెంబర్ 10న భారత జట్టు యునైటెడ్ అరబ్ ఎమిరేట్స్‌తో తలపడుతుంది. అలాగే సెప్టెంబర్ 14న భారత్-పాకిస్తాన్ మధ్య హై వోల్టేజ్ మ్యాచ్ జరగనుంది.
భారత జట్టు (Asia Cup 2025)
సూర్యకుమార్‌ యాదవ్‌ (కెప్టెన్‌), శుభ్‌మన్‌ గిల్ (వైస్‌ కెప్టెన్‌), జితేశ్‌ శర్మ (వికెట్‌కీపర్‌), సంజు శాంసన్‌ (వికెట్‌కీపర్‌), హార్దిక్ పాండ్యా, శివమ్‌ దూబే, అభిషేక్ శర్మ, తిలక్ వర్మ, అక్షర్ పటేల్‌, జస్ప్రీత్‌ బుమ్రా, అర్ష్‌దీప్ సింగ్, కుల్దీప్ యాదవ్‌, రింకూ సింగ్, వరుణ్ చక్రవర్తి, హర్షిత్ రాణా.
ఆసియా కప్ 2025 పూర్తి షెడ్యూల్
సెప్టెంబర్ 9: ఆఫ్ఘనిస్తాన్ vs హాంకాంగ్
సెప్టెంబర్ 10: భారతదేశం vs యూఏఈ
సెప్టెంబర్ 11: బంగ్లాదేశ్ vs హాంకాంగ్
సెప్టెంబర్ 12: పాకిస్తాన్ vs ఒమన్
సెప్టెంబర్ 13: బంగ్లాదేశ్ vs శ్రీలంక
సెప్టెంబర్ 14: భారతదేశం vs పాకిస్తాన్
సెప్టెంబర్ 15: యూఏఈ vs ఒమన్
సెప్టెంబర్ 15: శ్రీలంక vs హాంకాంగ్
సెప్టెంబర్ 16: బంగ్లాదేశ్ vs ఆఫ్ఘనిస్తాన్
సెప్టెంబర్ 17: పాకిస్తాన్ vs యూఏఈ
సెప్టెంబర్ 18: శ్రీలంక vs ఆఫ్ఘనిస్తాన్
సెప్టెంబర్ 19: భారతదేశం vs ఒమన్
సెప్టెంబర్ 20: B1 vs B2
సెప్టెంబర్ 21: A1 vs A2
సెప్టెంబర్ 22: విశ్రాంతి దినం
సెప్టెంబర్ 23: A2 vs B1
సెప్టెంబర్ 24: A1 vs B2
సెప్టెంబర్ 25: A2 vs B2
సెప్టెంబర్ 26: A1 vs B1
సెప్టెంబర్ 27: విశ్రాంతి దినం
సెప్టెంబర్ 28: ఫైనల్ – దుబాయ్ (రాత్రి 8 గంటలు)
సెప్టెంబర్ 29: రిజర్వ్ డే
