అత్తిపండ్లు అంటేనే ఆరోగ్యానికి వరం. అయితే వీటిని సాధారణంగా తినడం కన్నా, రాత్రంతా నీటిలో నానబెట్టి ఉదయం ఖాళీ కడుపుతో తీసుకుంటే అద్భుతమైన ఆరోగ్య ప్రయోజనాలు ఉంటాయని నిపుణులు చెబుతున్నారు. ముఖ్యంగా ఫైబర్, యాంటీ ఆక్సిడెంట్స్‌, విటమిన్లు, ఖనిజాలు సమృద్ధిగా ఉండే అంజీర్ (అత్తిపండు)ను ఈ విధంగా తినడం వల్ల శరీరానికి నలుమూలలా ప్రయోజనాలే కలుగుతాయి.
జీర్ణక్రియకు సాయపడుతుంది:
అంజీర్‌లో అధికంగా ఉండే ఫైబర్ కంటెంట్ మలబద్ధకం సమస్యను తగ్గిస్తుంది. రాత్రి నానబెట్టిన అంజీర్ నీటిని ఉదయం తాగితే పేగుల్లో ఉండే వ్యర్థాలు సులభంగా బయటపడతాయి.
రక్తంలో షుగర్ లెవల్స్‌ను కంట్రోల్ చేస్తుంది:
అతిగా షుగర్ ఉన్న వారికి అంజీర్ ఎంతో మంచిది. ఇందులో ఉండే పొటాషియం చక్కెర స్థాయిని సమతుల్యం చేస్తుంది. టైప్ 2 డయాబెటిస్ ఉన్నవారికి ఇది సహాయకారి.
హార్మోన్ల సంతులనం కోసం:
మహిళల్లో మెనోపాజ్ సమస్యలు, హార్మోన్ ఇంబాలెన్స్‌కు అంజీర్ సహాయపడుతుంది. ఇందులో ఉండే యాంటీ ఆక్సిడెంట్లు శరీర హార్మోన్లను నియంత్రిస్తాయి.
టాక్సిన్స్ డిటాక్స్:
ఉదయాన్నే నానబెట్టిన అంజీర్ నీటిని తాగడం వల్ల శరీరంలోని విషపదార్థాలు బయటకి పంపబడతాయి. దీనివల్ల చర్మానికి మెరుపు పెరుగుతుంది, మొటిమలు, అలర్జీలాంటి సమస్యలు తగ్గుతాయి.
బరువు తగ్గే వారికి కూడా బెస్ట్:
ఫైబర్ అధికంగా ఉండటంతో ఆకలి తగ్గుతుంది, తక్కువ కాలరీలతో ఎక్కువ శక్తిని అందిస్తుంది. అయితే అధికంగా తీసుకుంటే బరువు పెరగొచ్చని గుర్తించాలి.
