ఎటువంటి బ్యాక్ గ్రౌండ్ లేకుండా కేవలం తన నటన నైపుణ్యంతో.. ఇండియాలోనే స్టార్ హీరోయిన్ ఇమేజ్ దక్కించుకున్న సమంత పుట్టినరోజు నేడు. ఈ సందర్భంగా సమంతకి బర్త్ డే విషెష్ తెలియజేస్తూ.. ఆమె సినిమా కెరీర్, విజయాలు, వ్యక్తిగత విషయాలను గుర్తు చేసుకుందాం.
‘ఏ మాయ చేశావే’ చిత్రంతో అందరినీ ఆకట్టుకున్న సమంత, తొలి సినిమా నుంచే ఉత్తమ నటిగా అవార్డు అందుకుంది. ఆమె స్క్రీన్ ప్రెజెన్స్, నటనతో సినీ ప్రియులను తన వైపు తిప్పుకుంది. ఈ సినిమా తర్వాత ఆమె వెనుతిరిగి చూడలేదు. “ఆటోనగర్ సూర్య”, “ఈగ”, “జనతా గ్యారేజ్”, “అఆ”, “మజిలీ”, “ఓ బేబీ”, “మహానటి”, “శాకుంతలం” వంటి సూపర్ హిట్ సినిమాలతో ఇండస్ట్రీలో అత్యంత సక్సెస్ ఫుల్ హీరోయిన్‌గా ఎదిగింది.
ఏ మాయ చేశావే: గౌతమ్ వాసుదేవ్ మీనన్ దర్శకత్వంలో సమంత మొదటి సినిమా. ఈ సినిమాలో జెస్సీ పాత్ర ప్రేక్షకులను మైమరిపించింది.
ఈగ: ఈ సినిమాలో సమంత బిందుగా పాత్రలో నటించింది. రాజమౌళి దర్శకత్వంలో ఈ సినిమా అనేక ప్రశంసలు పొందింది.
రంగస్థలం: ఈ సినిమాలో సమంత రామలక్ష్మీ పాత్రలో నటించి, పల్లెటూరి అమ్మాయిగా తన ప్రతిభను చాటుకుంది.
మజిలీ: నాగచైతన్యతో కలిసి నటించిన ఈ సినిమా సమంత కెరీర్ లో ఒక మైలురాయి.
ఓ బేబీ: 50 సంవత్సరాల వయస్సున్న ముసలావిడిగా, అదే సమయంలో బబ్లీ గర్ల్‌గా సమంత అద్భుతంగా నటించింది.
ఎదురైన సవాళ్లు:
సమంత 2022లో మయోసైటిస్ వ్యాధితో బాధపడింది. ఆరోగ్య సమస్యలతో పోరాడినప్పటికీ, తన ప్రేమను సినిమాలకు మర్చిపోకుండా ఉన్న ఆమె, ఆరోగ్యం సమస్యలతో ఉన్నప్పటికీ “సిటాడెల్: హనీ బన్నీ” చిత్రంలో యాక్షన్ సన్నివేశాలను చిత్రీకరించింది. 2021లో నాగచైతన్యతో విడాకుల తరువాత, మానసిక ఆరోగ్య సమస్యలను ఎదుర్కొన్న సమంత, మిత్రులు, కౌన్సిలర్ల సహాయంతో వాటిని అధిగమించింది.
ఓటీటీలో సత్తా:
‘The Family Man’ సీరీస్‌తో ఓటీటీలో కూడా సత్తా చాటిన సమంత, ఓటీటీలో నటిస్తే ఇమేజ్ తగ్గిపోతుందనే అభిప్రాయాన్ని తొలగించింది. ఈ సీరీస్‌లో ఆమె పాత్రకు ఫిల్మ్‌ఫేర్ OTT అవార్డు, ఇండియన్ ఫిల్మ్ ఫెస్టివల్ ఆఫ్ మెల్బోర్న్ అవార్డు కూడా వచ్చింది.
సామాజిక సేవా కార్యక్రమాలు:
సినిమాలతో పాటు సామాజిక సేవా రంగంలో కూడా తన పేరును చాటుకున్న సమంత, 2012లో “ప్రత్యూషా సపోర్ట్” అనే స్వచ్ఛంద సంస్థను స్థాపించింది. 2015లో చెన్నై వరదల సమయంలో 30 లక్షల రూపాయల విరాళం అందించింది.
ఈ పుట్టినరోజు సందర్భంగా.. సమంతకి మరోసారి ప్రజ్ఞ మీడియా తరపున ప్రత్యేక శుభాకాంక్షలు!
