టాలీవుడ్‌లో యువతను మంత్రముగ్ధులను చేస్తూ వరుస విజయాలతో దూసుకుపోతున్న నటి రిథికా నాయక్ గురించి చెప్పుకోవాలి. ‘వైబ్ బేబీ’గా పేరు తెచ్చుకున్న ఆమె, తన క్యూట్ లుక్స్ మరియు నాచురల్ పెర్ఫార్మెన్స్ ద్వారా అభిమానులను ఆకట్టుకుంటోంది. రితికా నటించిన మొదటి మూడు సినిమాలు వరుసగా బ్లాక్‌బస్టర్ హిట్లుగా నిలవడం విశేషం. ఒక్కో సినిమా మరోదానికంటే ఎక్కువ కలెక్షన్లు రాబట్టడం ఆమెకు మంచి క్రేజ్ తీసుకొచ్చింది.
రిథికా విశ్వక్ సేన్ హీరోగా వచ్చిన ‘అశోక వనంలో అర్జున కళ్యాణం’ సినిమాలో కీలక పాత్రలో తెలుగు ప్రేక్షకులకు పరిచయం అయ్యింది. ఆమె పాత్రకు మంచి స్పందన లభించడంతో, ఈ సినిమా ఆమె కెరీర్‌కు మంచి లాంచ్‌ప్యాడ్ అయింది.
అంతేకాకుండా, నాని, మృణాల్ ఠాకూర్ నటించిన ‘హాయ్ నాన్న’ సినిమాలో, రితికా నానికి కూతురిగా భావోద్వేగంతో నిండిన పాత్రలో నటించి ఫ్యామిలీ ఆడియన్స్‌లో గుర్తింపు సంపాదించింది.
View this post on Instagram
మిరాయ్‌తో హ్యాట్రిక్ హిట్
ఇటీవల విడుదలైన ‘మిరాయ్’ సినిమాతో రితికా హ్యాట్రిక్ విజయాన్ని నమోదు చేసింది. తేజా సజ్జా హీరోగా నటించిన ఈ చిత్రం భారీ వసూళ్లు సాధించింది. 100 కోట్ల క్లబ్‌లో చేరిన ఈ చిత్రం, రితికాకు ఇండస్ట్రీలో బెస్ట్ బ్రేక్ ఇచ్చిన సినిమాగా నిలిచింది. విదేశాల్లో కూడా ఈ చిత్రం 2 మిలియన్ డాలర్లు క్రాస్ చేయడం విశేషం.
ప్రస్తుతం రితికా చేతిలో రెండు పెద్ద సినిమాలు ఉన్నాయి. వాటిలో ఒకటి ఆనంద్ దేవరకొండతో నటిస్తున్న ‘డ్యూయెట్’ చిత్రం. ఈ సినిమా సుమారు ఏడాదిన్నర క్రితం ప్రారంభమైంది, కానీ ఇప్పటివరకు ఎలాంటి అప్డేట్ లేదు. ఈ చిత్రాన్ని స్టూడియో గ్రీన్ బ్యానర్‌పై జ్ఞానవేల్ రాజా నిర్మిస్తున్నారు.
ఇంకో సినిమా మెగా హీరో వరుణ్ తేజ్ సరసన చేస్తున్న ప్రాజెక్ట్. ఇది ఇండో-కొరియన్ హారర్ డ్రామాగా రూపొందుతుంది. మేర్లపాక గాంధీ దర్శకత్వంలో ఈ సినిమాను UV క్రియేషన్స్, ఫస్ట్ ఫ్రేమ్ ఎంటర్‌టైన్‌మెంట్స్ నిర్మిస్తున్నాయి. ‘ఎఫ్3’ తర్వాత వరుణ్ తేజ్‌కు సరైన హిట్ రాలేదు. ఇటీవలే తండ్రిగా మారిన ఈ హీరోకు మంచి హిట్ అవసరం. అలాగే ఆనంద్ దేవరకొండ ‘బేబీ’ తర్వాత ‘గంగంగణేశా’తో నిరాశపరిచాడు.
ఇప్పటి వరకు రితికా చేతికి వచ్చిన అవకాశాలన్నీ ఆమె కెరీర్‌ను మరో స్థాయికి తీసుకెళ్లాయి. ఇప్పుడు ఆమె నటిస్తున్న రెండు సినిమాలు కూడా గుడ్ హైప్‌లో ఉన్నాయి. యూత్ ఐకాన్‌గా ఎదుగుతున్న ఈ భామ, వరుణ్ తేజ్, ఆనంద్ దేవరకొండలకు లేడీ లక్క్ అవుతుందా? లేదో సమయమే చెప్తుంది.
