బాలీవుడ్ నటి శిల్పాశెట్టి మరియు ఆమె భర్త రాజ్ కుంద్రాలపై ముంబై పోలీసులు లుక్ అవుట్ నోటీసులు జారీ చేశారు. దీపక్ కొఠారి అనే వ్యాపారవేత్త ఫిర్యాదు చేసిన ప్రకారం, ఒక వ్యాపార ఒప్పందంలో ఆయనను రూ.60 కోట్లు మోసం చేశారని ఆరోపించారు.
దీపక్ కొఠారి పేర్కొన్నట్టు, శిల్పాశెట్టి-రాజ్ కుంద్రాల జంట వ్యాపార విస్తరణ పేరుతో డబ్బులు వసూలు చేసి వ్యక్తిగత అవసరాలకు వాడినట్లు ఆరోపణలు ఉన్నాయి. గత నెలలో ఈ కేసు నమోదు అయ్యింది. ముంబై పోలీసులు విచారణ చేపట్టిన తర్వాత శిల్పాశెట్టి, రాజ్ కుంద్రాలపై లుక్ అవుట్ నోటీసులు జారీ చేశారు. ఆర్థిక నేరాల విభాగం అధికారులు కూడా శిల్పాశెట్టి దంపతుల ట్రావెల్ లాగ్‌లు, వారి సంస్థ ఆడిటర్లను పరిశీలిస్తున్నారు. లుక్ అవుట్ నోటీసులు, కేసు విచారణ సమయంలో వారు దేశం విడిచి వెళ్లకుండా నిరోధించేందుకు జారీ చేయబడ్డాయి.
BIG BREAKING 🚨 Mumbai Police issues lookout circular against Shilpa Shetty & her husband Raj Kundra in ₹60 crore alleged cheating case.
Case was registered against both in Mumbai on August 14 for allegedly duping a businessman of nearly Rs 60 crore.
Lookout Circular is a… pic.twitter.com/Zt78iBWa2e
— Prabhakar Singh Parihar प्रभाकर सिँह परिहार (@IPrabhakarSP) September 5, 2025
దీపక్ కొఠారి దగ్గర రాజ్ కుంద్రా, శిల్పాశెట్టిలు 2016లో డబ్బులు తీసుకున్నారు. శిల్పాశెట్టి జంట, ఇచ్చిన డబ్బు ఒక నిర్దిష్ట కాలంలో 12% వార్షిక వడ్డీతో తిరిగి చెల్లిస్తామని హామీ ఇచ్చారు. ఈ హామీ లిఖితపూర్వకంగా రాసి ఇచ్చారు. కానీ కొన్ని నెలల్లోనే డబ్బులు సంస్థ విస్తరణ కోసం వాడారు, మరియు శిల్పాశెట్టి డైరెక్టర్ పదవిని వదిలారు. ఆ తర్వాత ఆ సంస్థ దివాలా పడింది. ఇప్పటికీ దానికి సంబంధించిన రూ.1.28 కోట్ల దివాలా కేసు కొనసాగుతున్నదని, దీపక్ కొఠారి పేర్కొన్నారు. పైగా, డబ్బులను విడతల వారీగా తీసుకున్నారని ఆయన ఆరోపించారు.
శిల్పాశెట్టి, రాజ్ కుంద్రాలపై ఇలాంటి కేసులు ఇదే మొదటిసారి కాదు. గతంలో కూడా వారిపై అనేక ఆరోపణలు నమోదు అయ్యాయి. రాజ్ కుంద్రా ఐపీఎల్ వ్యవహారాల్లో కూడా వివాదాలను ఎదుర్కొన్న సంగతి తెలిసిందే. అలాగే, నీలి చిత్రాల విషయమై ఒక నటి ఫిర్యాదు చేసిన సందర్భం కూడా అప్పట్లో సంచలనం సృష్టించింది.
