నటి షాలిని పాండే ప్రేక్షకులు తనను అలియా భట్‌తో పోల్చడంపై సంచలన వ్యాఖ్యలు చేశారు. “నన్ను నాలా గుర్తించండి, నాకు ఎవరికీ పోలిక అవసరం లేదు” అంటూ ఆమె స్పష్టం చేశారు.
విజయ్ దేవరకొండ నటించిన ‘అర్జున్ రెడ్డి’ సినిమాలో ప్రీతీ పాత్ర పోషించి షాలిని భారీ స్థాయిలో ఫేమస్ అయ్యారు. అయితే ఆ తర్వాత చేసిన కొన్ని సినిమాలు ఆశించిన స్థాయిలో విజయాన్ని అందుకోలేకపోయాయి. ప్రస్తుతం ఆమె బాలీవుడ్‌లో బిజీగా ఉంటున్నారు. ఆమె ఇటీవల ‘మహారాజ్’ అనే హిందీ చిత్రంలో ‘కిషోరీ’ పాత్రలో కనిపించారు.
ఈ క్రమంలో కొంతమంది అభిమానులు ఆమెను అలియా భట్‌తో పోలుస్తూ, ముఖం, స్టైల్ దాదాపు అలియాకి దగ్గరగా ఉందంటూ కామెంట్లు చేస్తున్నారు. అయితే, ఈ విషయంపై షాలిని తాజాగా స్పందించి తన అభిప్రాయాన్ని వెల్లడించారు.
తాజా ఇంటర్వ్యూలో షాలిని మాట్లాడుతూ “ప్రేక్షకులు నన్ను ఎంతో ప్రేమిస్తున్నారు. వారి అభిమానానికి నా కృతజ్ఞతలు. కానీ, కొంతమంది నన్ను అలియా భట్‌తో పోలుస్తూ కామెంట్లు చేస్తున్నారు. నిజంగా, అలియా అద్భుతమైన నటి, ఆమె నుంచి నేనూ చాలా స్ఫూర్తి పొందాను. కానీ, నా స్వంత గుర్తింపు ఉండాలని కోరుకుంటున్నాను. నన్ను నాలా గుర్తించండి!” అని చెప్పింది.
ఇక ఈ వ్యాఖ్యలు నెట్టింట వైరల్ అవుతున్నాయి. కొందరు షాలినీని సమర్థిస్తుంటే, మరికొందరు ఈ పోలికలు ప్రేమతోనే వస్తాయని అంటున్నారు.
షాలినీ చేసిన ఈ వ్యాఖ్యలపై మీ అభిప్రాయం ఏంటి? కామెంట్లో తెలియజేయండి!
