దేశవ్యాప్తంగా ప్రముఖ నటీనటుల పాపులారిటీపై ప్రతి నెల సర్వే నిర్వహించే ఆర్మాక్స్ (Ormax Stars India Loves) జూన్ 2025కి సంబంధించిన మోస్ట్ పాపులర్ ఇండియన్ స్టార్స్ జాబితాను విడుదల చేసింది. ఈ లిస్ట్‌లో టాలీవుడ్ స్టార్స్ మరోసారి దుమ్మురేపారు. ముఖ్యంగా రెబల్ స్టార్ ప్రభాస్ మేల్ కేటగిరీలో అగ్రస్థానాన్ని దక్కించుకోగా, స్టార్ హీరోయిన్ సమంత ఫిమేల్ కేటగిరీలో టాప్ ప్లేస్‌ను సాధించి ఫ్యాన్స్‌కి సర్‌ప్రైజ్ ఇచ్చారు.
Ormax Stars India Loves: Most popular male film stars in India (Jun 2025) #OrmaxSIL pic.twitter.com/Z6Du6wjyLo
— Ormax Media (@OrmaxMedia) July 18, 2025
పాన్ ఇండియా రేంజ్‌లో ప్రభాస్ క్రేజ్ ఏమాత్రం తగ్గలేదని ఈ ర్యాంకింగ్స్ రుజువు చేశాయి. జూన్ నెలలో మోస్ట్ పాపులర్ మేల్ సెలబ్రిటీగా ప్రభాస్ మొదటి స్థానంలో నిలవగా, రెండో స్థానం తమిళ స్టార్ దళపతి విజయ్‌కు దక్కింది. ఐకాన్ స్టార్ అల్లు అర్జున్ మూడో స్థానంలో, బాలీవుడ్ బాద్‌షా షారుఖ్ ఖాన్ నాలుగో స్థానంలో, తమిళ మాస్ హీరో అజిత్ కుమార్ ఐదో ప్లేస్‌లో నిలిచారు. తెలుగు స్టార్ హీరోలు మహేశ్ బాబు 6వ, జూనియర్ ఎన్టీఆర్ 7వ, రామ్ చరణ్ 8వ స్థానాల్లో ఉండగా, బాలీవుడ్ హీరో అక్షయ్ కుమార్ 9వ, నేచురల్ స్టార్ నాని 10వ ప్లేస్‌ సాధించారు.
Ormax Stars India Loves: Most popular female film stars in India (Jun 2025) #OrmaxSIL pic.twitter.com/gRGPa6TBXI
— Ormax Media (@OrmaxMedia) July 18, 2025
ఫిమేల్ కేటగిరీలో సమంత అగ్రస్థానంలో నిలిచి మరోసారి తన పాపులారిటీని నిరూపించుకుంది. ఎన్నో విమర్శలు, వ్యక్తిగత సమస్యల మధ్య కూడా కెరీర్‌పై చూపుతున్న పట్టుదల ఆమె క్రేజ్‌కు నిదర్శనం. సమంత తర్వాత బాలీవుడ్ స్టార్ అలియా భట్ రెండో స్థానంలో, దీపికా పదుకొణె మూడో, సీనియర్ బ్యూటీ త్రిష నాలుగో, కాజల్ అగర్వాల్ ఐదో స్థానంలో నిలిచారు. ఆ తరువాత వరుసగా సాయిపల్లవి (6), నయనతార (7), రష్మిక మందన్న (8), కీర్తి సురేష్ (9), తమన్నా (10) స్థానాలు దక్కించుకున్నారు. మొత్తంగా టాలీవుడ్ స్టార్ హీరోలు, హీరోయిన్లు ఈ లిస్ట్‌లో మెజారిటీగా చోటు దక్కించుకోవడం విశేషం.
