పవర్ స్టార్ పవన్ కళ్యాణ్ (Pawan Kalyan) నటిస్తున్న “OG – They Call Him OG” సినిమాపై అంచనాలు రోజు రోజుకూ పెరుగుతున్నాయి. ఇప్పటికే విడుదలైన గ్లింప్స్, టీజర్, పాటలకు అద్భుతమైన స్పందన వచ్చింది. సెప్టెంబర్ 25, 2025న థియేటర్లలో విడుదల కానున్న ఈ సినిమా రిలీజ్‌కు ముందే ఓ అభిమాని చేసిన పని సోషల్ మీడియాలో వైరల్‌గా మారింది.
ప్రీమియర్ షో చూడటానికి ఓ పవన్ కళ్యాణ్ అభిమాని ఒక్క టికెట్‌ను ఏకంగా రూ. 5,00,000కు కొనుగోలు చేశాడు. ఈ విషయంతో పవన్ ఫ్యాన్స్ ఉత్సాహంగా ఉన్నారు. అభిమానుల ప్రేమ, క్రేజ్ ఏ స్థాయిలో ఉందో చూపించడానికి ఇది ఒక సాక్ష్యంగా మారింది. ఈ బిడ్డింగ్ నార్త్ అమెరికాలో పవన్ కళ్యాణ్ ఫ్యాన్ క్లబ్ ఆధ్వర్యంలో జరిగినట్టు సమాచారం.
రికార్డ్ ధరలకు అమ్ముడవుతున్న టికెట్లు
హైదరాబాద్ కుకట్‌పల్లి విశ్వనాథ్ థియేటర్‌లో ఫస్ట్ టికెట్ రూ. 1,12,000కు అమ్ముడైంది. ఇతర టికెట్లు రూ. 23,111, రూ. 18,100 ధరలకు విక్రయించబడ్డాయి.
చెన్నైలో మొదటి టికెట్ రూ. 1,00,000 బిడ్డింగ్‌కి వెళ్లగా, మిగతా టికెట్లు రూ. 47,000, రూ. 25,000కు అమ్ముడయ్యాయి.
ఈ మొత్తం డబ్బును జనసేన పార్టీకి విరాళంగా ఇవ్వనున్నట్టు అభిమానులు ప్రకటించారు.
విదేశాల్లో OG జోరు
భారతదేశంలోనే కాదు, విదేశాల్లోనూ ‘OG’ సినిమాపై భారీ స్పందన వస్తోంది. మెల్‌బోర్న్ IMAX థియేటర్‌లో టికెట్లు కేవలం కొన్ని నిమిషాల్లోనే సాల్డ్ అవుట్ కావడంతో, అదనపు షోలను ప్లాన్ చేస్తున్నారు. ఓ తెలుగు సినిమా కోసం విదేశాల్లో ఇలాంటి క్రేజ్ రావడం అరుదు.
OG టీమ్ డీటైల్స్
ఈ మాస్ యాక్షన్ డ్రామాను సుజీత్ దర్శకత్వం వహిస్తుండగా, డీవీవీ దానయ్య – కల్యాణ్ దాసరి నిర్మిస్తున్నారు. హీరోయిన్‌గా ప్రియాంకా మోహన్ నటిస్తుండగా, విలన్‌గా ఇమ్రాన్ హష్మీ కీలక పాత్ర పోషిస్తున్నారు. థమన్ ఎస్ ఎస్ సంగీతం అందిస్తున్నారు.
గ్యాంగ్‌స్టర్ బ్యాక్‌డ్రాప్‌లో సాగే ఈ కథలో పవన్ కళ్యాణ్ పవర్‌ఫుల్ లుక్‌తో దర్శనమివ్వనున్నారు. ఫ్యాన్స్ క్రేజ్ చూస్తే, ‘OG’ సినిమా పవన్ కెరీర్‌లో మరో బ్లాక్‌బస్టర్ అవ్వబోతోందని స్పష్టంగా తెలుస్తోంది.
