పవర్ స్టార్ పవన్ కళ్యాణ్ (Pawan Kalyan) నటించిన లేటెస్ట్ మూవీ OG బాక్సాఫీస్‌ (OG Box Office Collections) వద్ద కలెక్షన్ల సునామీ సృష్టించింది. భారీ అంచనాల నడుమ విడుదలైన ఈ గ్యాంగ్‌స్టర్ యాక్షన్ డ్రామా, ప్రపంచవ్యాప్తంగా అద్భుతమైన తొలి రోజు వసూళ్లను సాధించింది. విడుదలైన రోజే పవన్ కెరీర్‌లోనే అతిపెద్ద ఓపెనింగ్‌గా నిలిచింది.
నిర్మాతలు వెల్లడించిన సమాచారం ప్రకారం, OG తొలి రోజున ప్రపంచవ్యాప్తంగా రూ.154 కోట్ల గ్రాస్ వసూలు చేసింది. ఇది పవన్ కళ్యాణ్ గత హయ్యెస్ట్ ఓపెనింగ్ అయిన హరి హర వీర మల్లుకు రెండింతలుగా ఉండటం విశేషం. అంతేకాదు, రజినీకాంత్ – లోకేశ్ కనగరాజ్ కాంబినేషన్‌లో వచ్చిన కూలీ సినిమా ఓపెనింగ్‌ని కూడా దాటేసింది.
సుజీత్ దర్శకత్వం వహించిన ఈ సినిమాలో పవన్ కళ్యాణ్ గ్యాంగ్‌స్టర్ బ్యాక్‌డ్రాప్‌లో పవర్‌ఫుల్ రోల్‌లో అలరించగా, ఇమ్రాన్ హష్మీ విలన్‌గా కనిపించారు. ప్రియాంకా మోహన్ కథానాయికగా నటించారు. మొదటి రోజే బ్రేక్ ఈవెన్‌లో సగం వసూలు కావడం సినిమాకి మంచి ప్రారంభాన్ని అందించింది. వీకెండ్ కలెక్షన్లపై ఇప్పుడు భారీ అంచనాలు ఉన్నాయి.
Idhi Pawan Kalyan Cinema…..#OG Erases History 🔥
Worldwide Day 1 Gross – 154 Cr+ 💥#BoxOfficeDestructorOG #TheyCallHimOG pic.twitter.com/Olf8owSSSZ
— DVV Entertainment (@DVVMovies) September 26, 2025
ఈ సినిమాను దీవీవీ దానయ్య, కల్యాణ్ దాసరి కలిసి నిర్మించగా, శ్రియా రెడ్డి, ప్రకాష్ రాజ్, అర్జున్ దాస్, హరీష్ ఉత్తమన్, ఉపేంద్ర లిమాయే, సుభలేఖ సుధాకర్ వంటి పలువురు నటులు కీలక పాత్రల్లో కనిపించారు. ఎస్.ఎస్. తమన్ సంగీతం అందించగా, ఆయన పాటలు మరియు BGM సినిమాకి బలంగా నిలిచాయి.
ఫ్యాన్స్ పవన్ కళ్యాణ్‌ను ఇన్నేళ్లుగా ఎలా చూడాలని కోరుకుంటున్నారో, అలాంటి మాస్ అవతారంలో సుజీత్ ప్రెజెంట్ చేశారు. పవన్ స్టైల్, స్వాగ్ తో పాటు మంచి కథ, కథనాన్ని ప్రేక్షకులు బ్రహ్మరథం పడుతున్నారు. మొత్తానికి, పవన్ కెరీర్‌లో మరో గొప్ప మైలురాయిగా OG నిలవడం ఖాయం.
