టాలీవుడ్ నేచురల్ స్టార్ నాని, మరో విభిన్నమైన కథతో ప్రేక్షకుల ముందుకు రానున్నారు. ‘ది పారడైజ్’ అనే పీరియాడిక్ యాక్షన్ డ్రామాతో ఆయన సిద్ధమవుతున్నారు. ఇప్పటికే విడుదలైన ‘రా స్టేట్మెంట్’ గ్లింప్స్ వీడియో సినిమాపై భారీ హైప్ క్రియేట్ చేసింది. ఇప్పుడు మేకర్స్ నుంచి మరో సెన్సేషనల్ అప్డేట్ వచ్చింది – నాని ఫస్ట్ లుక్ పోస్టర్ రిలీజ్ అయింది, అలాగే ఆయన పాత్ర పేరు కూడా రివీల్ చేశారు. ఇందులో నాని జడల్ అనే పాత్రలో కనిపించనున్నారు.
పోస్టర్లో నాని పూర్తిగా కొత్త అవతారంలో దర్శనమిస్తున్నారు. డ్రెడ్లాక్స్ జడలు, మందపాటి గడ్డం, హ్యాండిల్బార్ మీసాలతో గంభీరంగా కనిపిస్తూ, మెడలో మందపాటి గొలుసులు, రాక్షసుడి బొమ్మతో ఉన్న లాకెట్ – ఇవన్నీ పాత్ర పవర్ని సూచిస్తున్నాయి. బ్యాక్డ్రాప్లో కత్తులు, బుల్లెట్లతో తయారైన వృత్తాకార ఆయుధం సినిమా ఇంటెన్సిటీని పెంచింది. ఫస్ట్ లుక్ చూస్తేనే ‘పారడైజ్’లో నాని పాత్ర రా అండ్ ఇంటెన్స్గా ఉండబోతుందనిపిస్తోంది.
and His Name is JADAL 🔥🔥🔥 #TheParadise 🐦⬛@NameisNani X @odela_srikanth ❤️🔥❤️🔥❤️🔥
An @anirudhofficial musical 🧨🧨🧨@Dop_Sai @NavinNooli @SLVCinemasOffl @saregamasouth pic.twitter.com/qcD8gJq6J9— Sivam C Kabilan (@kabilanchelliah) August 8, 2025
మరోసారి నాని-శ్రీకాంత్ ఓదెల కాంబోలో వస్తున్న ఈ సినిమా, ‘దసరా’ కి మించి ఉండొచ్చనే అంచనాలు ఉన్నాయి. నాని కెరీర్లోనే ఇది అత్యంత విభిన్నమైన కాన్సెప్ట్గా చెప్పబడుతోంది.
ఎస్ఎల్వీ సినిమాస్ బ్యానర్పై సుధాకర చెరుకూరి నిర్మిస్తున్న ఈ చిత్రం ప్రస్తుతం షూటింగ్లో ఉంది. హైదరాబాద్లో జరుగుతున్న షెడ్యూల్లో నాని పలు యాక్షన్ సీన్స్లో పాల్గొంటున్నారు. ఈ చిత్రం వచ్చే ఏడాది మార్చి 26న ప్రపంచవ్యాప్తంగా విడుదల కానుంది.
