మహాశివరాత్రి సందర్భంగా థియేటర్లలో విడుదలైన సందీప్ కిషన్ సినిమా మజాకా త్వరలో ఓటీటీలో సందడి చేయబోతోంది. ప్రేక్షకులను పూర్తిగా నవ్వుల కురిపించే ఫన్ రైడ్‌గా రూపొందిన ఈ సినిమాకు టాలీవుడ్ కమర్షియల్ ఎంటర్‌టైనర్ స్పెషలిస్ట్ నక్కిన త్రినాథరావు దర్శకత్వం వహించాడు. కథానాయకుడిగా సందీప్ కిషన్ అలరించగా, రీతూ వర్మ కథానాయికగా మెరిసింది. సీనియర్ నటుడు రావు రమేశ్ సినిమాలో కీలకపాత్ర పోషించగా, 2000లలో టాలీవుడ్‌లో మంచి గుర్తింపు తెచ్చుకున్న అన్షు ఈ సినిమాతో రీఎంట్రీ ఇచ్చింది.
సినిమా విడుదలకు ముందే మంచి అంచనాలు ఏర్పడ్డాయి. టీజర్, ట్రైలర్ విడుదలైనప్పుడే ఇది ఫుల్ లెంగ్త్ కామెడీ ఎంటర్‌టైనర్ అని ప్రేక్షకులకు అర్థమైంది. ముఖ్యంగా సందీప్ కిషన్ – రావు రమేశ్ మధ్య తండ్రీకొడుకుల సీన్స్ ఎమోషన్‌ను అందించాయి. కామెడీకి మంచి ప్రాధాన్యత ఇవ్వడంతో పాటు కొన్ని హిలేరియస్ సన్నివేశాలు ప్రేక్షకులకు కడుపుబ్బా నవ్వించాయి. అయితే సినిమా రివ్యూస్ పరంగా మిశ్రమ స్పందన వచ్చింది. మజాకా పెద్దగా హిట్ కాకపోయినా, ఫ్యామిలీ ఆడియెన్స్‌ను ఓ మాదిరిగా ఆకట్టుకుంది.
థియేటర్లలో మంచి వసూళ్లు రాబట్టిన ఈ సినిమా ఇప్పుడు ఓటీటీ ప్రేక్షకులకు వినోదాన్ని అందించేందుకు సిద్ధమైంది. తాజాగా, మేకర్స్ ఓటీటీ రిలీజ్ తేదీని అధికారికంగా ప్రకటించారు. ఉగాది పండుగ సందర్భంగా మార్చి 28న జీ5 ఓటీటీ ప్లాట్‌ఫామ్‌లో మజాకా సినిమా స్ట్రీమింగ్ కానుంది. థియేటర్లలో పరవాలేదనిపించిన ఈ సినిమా ఓటీటీలో ప్రేక్షకులను ఎంతవరకు ఆకట్టుకుంటుందో వేచి చూడాలి.
ట్రెండింగ్‌ను బట్టి చూస్తే, థియేటర్లలో ఫెయిల్ అయిన కొన్ని సినిమాలు ఓటీటీలో పెద్ద విజయాలు సాధిస్తున్నాయి. థియేటర్లలో మిస్ అయిన ఆడియెన్స్ ఓటీటీలో సినిమాను చూడటానికి ఆసక్తి చూపించే అవకాశాలు ఎక్కువగా ఉంటాయి. మజాకా కూడా అదే కోవలో ఉండే ఛాన్స్ ఉంది. కామెడీ ప్రధానంగా ఉండటంతో కుటుంబ ప్రేక్షకులు ఈ చిత్రాన్ని ఓటీటీలో చూసేందుకు ఆసక్తి చూపే అవకాశముంది. ముఖ్యంగా సందీప్ కిషన్ నటన, రావు రమేశ్ కామెడీ టైమింగ్, రీతూ వర్మ గ్లామర్ వంటివి ఆకట్టుకునేలా ఉంటాయి.
