మాస్ మహారాజ రవితేజ నుంచి మరో ఫుల్ మాస్ ట్రీట్ వచ్చేసింది. ‘మాస్ జాతర’ సినిమా నుంచి తాజాగా విడుదలైన “తు మేరా లవర్” అనే పాట అభిమానుల్లో మంచి ఉత్సాహం నింపుతోంది. శ్రీలీల హీరోయిన్‌గా నటిస్తున్న ఈ సినిమాలో రవితేజ తన స్టైల్ లో అదరగొడుతుంటే, మ్యూజిక్, లిరిక్స్, డ్యాన్స్ అన్నీ మాస్ ప్రేక్షకులకు కావాల్సిన మాస్ ప్యాకేజీలా ఉన్నాయి.
ఈ పాటకు సంగీతం అందించిన భీమ్స్ సిసిరోలియో, భాస్కరభట్ల లిరిక్స్ అందించగా, దివంగత గాయకుడు చక్రి వాయిస్‌ను AI సాయంతో పునర్నిర్మించారు. ఇది ఫ్యాన్స్‌కు ఒక ఎమోషనల్ కనెక్షన్‌గా మారింది. పైగా, ఈ సాంగ్‌కు భాను మాస్టర్ తనదైన మూమెంట్స్ తో డ్యాన్స్ కంపోజ్ చేయడంతో, రవితేజ తన ఇడియట్ స్టైల్ స్టెప్పులతో మళ్ళీ పూర్వవైభవాన్ని గుర్తు చేశాడు.
వీడియోలోని ఎనర్జీ, మ్యూజిక్ బీట్‌కు తగ్గ స్టెప్పులు ఈ పాటను సోషల్ మీడియాలో ఇప్పటికే వైరల్ చేస్తుండగా, మాస్ మహారాజ అభిమానులు థియేటర్స్‌లో మరోసారి డాన్సులతో తమ అభిమాన హీరో అలరించటం ఖాయంగా కనిపిస్తోంది.
సితార ఎంటర్టైన్మెంట్స్ బ్యానర్‌పై భాను భోగవరపు దర్శకత్వం వహిస్తున్న ఈ సినిమాను వేసవి కానుకగా విడుదల చేయనున్నట్లు ప్రకటించారు. ఫ్యామిలీ ఎమోషన్, మాస్ ఎంటర్టైన్మెంట్, పవర్‌ఫుల్ పాటల కలయికతో మాస్ జాతర భారీ హిట్ అవుతుందనే నమ్మకం అభిమానుల్లో స్పష్టంగా కనిపిస్తోంది.
