అర్జున్ రెడ్డి ఫేమ్ షాలిని పాండే మరోసారి సోషల్ మీడియాను షేక్ చేస్తోంది. తన అందంతో ఆకట్టుకుంటూ, కొత్త స్టైలిష్ ఫోటోషూట్‌లతో అభిమానులను ఉర్రూతలూగిస్తోంది. తాజాగా ఆమె షేర్ చేసిన క్రేజీ ఫోటోలు తెగ వైరల్ అవుతున్నాయి.
షాలిని పాండే తెలుగు, తమిళం, హిందీ సినిమాల్లో తనదైన నటనతో గుర్తింపు తెచ్చుకుంది. ఈ బ్యూటీ 1993 సెప్టెంబర్ 23న మధ్యప్రదేశ్‌లోని జబల్‌పూర్‌లో జన్మించింది. జబల్‌పూర్ గ్లోబల్ ఇంజనీరింగ్ కళాశాలలో చదువుకున్నప్పటికీ, చిన్నప్పటి నుంచి నటనపై ఉన్న ఆసక్తితో సినీరంగంలో అడుగు పెట్టింది.
ఇంజనీరింగ్ రెండో సంవత్సరంలోనే నాటకాలలో నటించడం ప్రారంభించిన షాలిని, 2017లో విజయ్ దేవరకొండ నటించిన ‘అర్జున్ రెడ్డి’ సినిమా ద్వారా సినీ రంగ ప్రవేశం చేసింది. ఈ చిత్రంలో ఆమె ప్రీతి పాత్రలో నటించి ప్రేక్షకుల అభిమానాన్ని చూరగొంది. అర్జున్ రెడ్డి భారీ విజయంతో షాలినికి విపరీతమైన గుర్తింపు లభించింది. తెలుగు మాట్లాడలేకపోయినా, తన పాత్రకు స్వయంగా డబ్బింగ్ చెప్పుకుని ఆకట్టుకుంది.
ఆ తర్వాత మహానటి, 118, ఇద్దరి లోకం ఒకటే, నిశ్శబ్దం వంటి టాలీవుడ్ చిత్రాల్లో నటించిన షాలిని, కోలీవుడ్‌లో ‘100% కాదల్’ సినిమాతో తమిళ ఆడియెన్స్‌ను కూడా మెప్పించింది. బాలీవుడ్‌లో ‘జయేష్‌భాయ్ జోర్దార్’, ‘మహారాజ్’ సినిమాలతో ఎంట్రీ ఇచ్చింది.
సోషల్ మీడియాలో యాక్టివ్‌గా ఉండే ఈ ముద్దుగుమ్మ తరచూ తన హాట్ ఫోటోలను పంచుకుంటూ ఉంటుంది. తాజాగా షాలిని షేర్ చేసిన గ్లామరస్ పిక్స్ నెట్టింట ట్రెండ్ అవుతున్నాయి. అభిమానులు ఆమె స్టైలిష్ లుక్స్‌కి ఫిదా అవుతున్నారు.
షాలిని పాండే త్వరలో మరికొన్ని కొత్త ప్రాజెక్ట్‌లతో ప్రేక్షకుల ముందుకు రాబోతోంది. ఆమె గ్లామర్, నటనతో మరోసారి మెప్పిస్తుందేమో చూడాలి!
