ఆంధ్రప్రదేశ్‌లో ఈఏపీసెట్ 2025 (AP EAPCET) పరీక్షలు మే 19 నుంచి ప్రారంభంకానున్నాయి. ఈ పరీక్షలకు సంబంధించి హాల్‌టికెట్లు అధికారికంగా విడుదలయ్యాయి. పరీక్షకు దరఖాస్తు చేసిన అభ్యర్థులు పరీక్షలకు హాజరయ్యేందుకు అవసరమైన అడ్మిట్‌ కార్డులను అధికారిక వెబ్‌సైట్‌ ద్వారా సులభంగా డౌన్‌లోడ్‌ చేసుకోవచ్చు.
హాల్‌టికెట్ డౌన్‌లోడ్‌కు అధికారిక లింక్:
https://cets.apsche.ap.gov.in/
అలాగే, విద్యార్థులు ఏపీ ప్రభుత్వ అధికారిక వాట్సప్ గవర్నెన్స్ నెంబర్‌ 95523 00009 ద్వారా కూడా హాల్‌టికెట్‌ను పొందవచ్చు. పరీక్షా కేంద్రానికి వెళ్లే మార్గాన్ని చూపించే రూట్ మ్యాప్ కూడా ఈ హాల్‌టికెట్లో పొందుపరిచారు.
పరీక్షల తేదీలు ఇలా ఉన్నాయి:
వ్యవసాయ, ఫార్మసీ విభాగం పరీక్షలు: మే 19, 20 (రోజుకు రెండు సెషన్లు)
ఇంజినీరింగ్ విభాగం పరీక్షలు: మే 21 నుంచి 27 వరకు (రోజుకు రెండు సెషన్లు)
ముఖ్యమైన తేదీలు:
వ్యవసాయ, ఫార్మసీ ప్రాథమిక కీ: మే 21
ఇంజినీరింగ్ ప్రాథమిక కీ: మే 28
తుది కీ విడుదల: జూన్ 5
ఈ ఏడాది మొత్తం 3,61,299 మంది విద్యార్థులు ఈఏపీసెట్‌కు దరఖాస్తు చేశారు. పరీక్ష ఆంగ్లం మరియు తెలుగులో ఉంటుంది. ఇంటర్మీడియట్ మార్కులకు 25% వెయిటేజ్ కొనసాగుతుంది.
ప్రశ్నాపత్రం స్ట్రక్చర్:
మొత్తం ప్రశ్నలు: 160
పరీక్ష వ్యవధి: 180 నిమిషాలు
విధానం: ఆన్‌లైన్ మల్టిపుల్ ఛాయిస్‌ ఫార్మాట్
సక్సెస్ టిప్స్ – నిపుణుల సూచనలు:
గణితంలో ఆల్జీబ్రా, ట్రిగనోమెట్రీ, కోఆర్డినేట్ జామెట్రీ, ప్రాబబులిటీపై బలంగా సిద్ధం చేయాలి.
ఫిజిక్స్‌లో హీట్, థర్మోడైనమిక్స్‌ వంటి టాపిక్స్‌పై ఎక్కువ ప్రాధాన్యం ఇవ్వాలి.
కెమిస్ట్రీ, బయాలజీలో పాఠ్యాంశాలను విభజించి, ప్రతిరోజూ చిన్న చిన్న భాగాలుగా ప్రాక్టీస్ చేయాలి.
ప్రతి రోజు ప్రతి సబ్జెక్టులో కనీసం 100 బిట్లు సాధన చేయాలి.
మాదిరి ప్రశ్నాపత్రాలతో వేగం, కచ్చితత్వాన్ని మెరుగుపరచాలి.
టీజీ ఈఏపీసెట్ ఫలితాల్లో ఏపీకి టాప్ ర్యాంకులు:
ఇటీవల తెలంగాణ TG EAPCET 2025 ఫలితాలు విడుదలయ్యాయి. ఆశ్చర్యకరంగా, టాప్ 3 ర్యాంకులు ఆంధ్రప్రదేశ్‌కు చెందిన విద్యార్థులు సాధించారు.
1వ ర్యాంక్: పల్లా భరత్‌చంద్ర (పార్వతీపురం మన్యం)
2వ ర్యాంక్: ఉడగండ్ల రామ్‌చరణ్‌రెడ్డి (నంద్యాల)
3వ ర్యాంక్: హేమసాయి సూర్యకార్తీక్ (విజయనగరం)
