హైదరాబాద్, అక్టోబర్‌ 27, 2025:
హైదరాబాద్ నగరంలోని మియాపూర్ ప్రాంతంలో దొంగల హల్చల్ కలకలం రేపింది. మాతృశ్రీ నగర్‌లో ఆదివారం రాత్రి వరుసగా రెండు ఇళ్లను లక్ష్యంగా చేసుకున్న దొంగలు చోరీకి యత్నించారు.
వివరాల్లోకి వెళ్తే — ఒక ఇంట్లో చొరబడి దొంగలు రెండు మొబైల్ ఫోన్లు, పది వేల రూపాయల నగదును ఎత్తుకెళ్లారు. మరొక ఇంట్లో చొరబడే ప్రయత్నం చేసిన సమయంలో ఇంట్లో ఉన్న కుక్క మొరగడంతో దొంగలు భయపడి అక్కడి నుంచి పారిపోయారు.
సమాచారం అందుకున్న పోలీసులు ఘటనాస్థలానికి చేరుకుని విచారణ చేపట్టారు. బాధితుల ఫిర్యాదు మేరకు కేసు నమోదు చేసి దర్యాప్తు ప్రారంభించారు. ఇటీవల ఈ ప్రాంతంలో ఇలాంటి సంఘటనలు పెరగడం స్థానికుల్లో ఆందోళనకు దారితీస్తోంది.
