భారత క్రికెటర్ హార్దిక్ పాండ్యా మరోసారి తన వ్యక్తిగత జీవితం కారణంగా హాట్ టాపిక్ అయ్యాడు. మాజీ భార్య నటాషా స్టాన్కోవిచ్‌తో విడాకులు తీసుకున్న తర్వాత, ఇప్పుడు ఆయన మోడల్, నటి మహీకా శర్మతో డేటింగ్ చేస్తున్నారని వార్తలు వినిపిస్తున్నాయి. దీంతో “మహీకా శర్మ ఎవరు?” అనే ప్రశ్న నెటిజన్లలో ట్రెండ్ అవుతోంది.
24 ఏళ్ల మహీకా శర్మ మోడల్, నటి. తన అందం, ప్రతిభతో ఫ్యాషన్ ఇండస్ట్రీలో వేగంగా గుర్తింపు పొందుతోంది. మోడలింగ్ రంగంలోకి అడుగుపెట్టకముందే ఆమె చదువులోనూ రాణించారు. 10వ తరగతిలో 10 CGPA సాధించి, తర్వాత ఎకనామిక్స్ మరియు ఫైనాన్స్‌లో చదువుకున్నారు. యోగా టీచర్ ట్రైనింగ్ కూడా పూర్తి చేశారు. ఫ్యాషన్ ప్రపంచంలో మనీష్ మల్హోత్రా, అనితా డోంగ్రే, తరుణ్ తాహిలియాని వంటి ప్రముఖ డిజైనర్ల కోసం ర్యాంప్ వాక్ చేశారు.
2024లో ఇండియన్ ఫ్యాషన్ అవార్డ్స్‌లో మోడల్ ఆఫ్ ది ఇయర్ అవార్డు గెలుచుకున్నారు. అదనంగా కొన్ని మ్యూజిక్ వీడియోలు, షార్ట్ ఫిల్మ్స్‌లో కూడా నటించారు.
Hardik Pandya is rumoured to be dating model-actor Mahieka Sharma after his divorce from Natasa Stankovic. From matching bathrobes to attending matches, social media hints and Reddit posts have fueled speculation about their growing closeness.#hardikpandya #tellymantra pic.twitter.com/yVYEn7Nnds
— TellyMantra (@Tellymantra) September 17, 2025
హార్దిక్ – మహీకా పుకార్లకు కారణం
హార్దిక్ పాండ్యా, మహీకా శర్మ డేటింగ్ చేస్తున్నారనే వార్తలు సోషల్ మీడియాలో చక్కర్లు కొడుతున్నాయి. ఒక రెడిట్ పోస్ట్‌లో మహీకా షేర్ చేసిన సెల్ఫీలో వెనుక ఒక మగ వ్యక్తి కనిపించాడు. ఆ వ్యక్తి హార్దిక్ అని అభిమానులు అనుమానించారు. అంతేకాకుండా, ఆమె ఒక పోస్ట్‌లో హార్దిక్ జెర్సీ నంబర్ 33ను చూపించడమే ఈ పుకార్లను మరింత బలపరిచింది.
ఇన్‌స్టాగ్రామ్ కనెక్షన్
ఈ ఇద్దరూ ఇన్‌స్టాగ్రామ్‌లో ఒకరినొకరు ఫాలో అవుతున్నారు. తాజాగా జరిగిన ఆసియా కప్ మ్యాచ్ సమయంలో మహీకా దుబాయ్‌లో ఉండి, భారత్-పాకిస్తాన్ మ్యాచ్‌ను ప్రత్యక్షంగా చూశారని కూడా వార్తలు వచ్చాయి.
అయితే, ఇప్పటివరకు హార్దిక్ పాండ్యా గానీ, మహీకా శర్మ గానీ ఈ పుకార్లపై ఎటువంటి అధికారిక స్పందన ఇవ్వలేదు. గతంలో హార్దిక్ పాండ్యా బాలీవుడ్ నటి ఊర్వశి రౌతేలాతో సహా పలువురితో డేటింగ్ చేసినట్లు రూమర్స్ వచ్చాయి.
