థియేటర్లలో విడుదలై మంచి రెస్పాన్స్ తెచ్చుకున్న నారా రోహిత్ (Nara Rohith) రొమాంటిక్ కామెడీ సినిమా ‘సుందరకాండ’ ఇప్పుడు ఓటీటీ ప్రేక్షకులను అలరించేందుకు రెడీ అయింది. ఈ చిత్రానికి దర్శకుడిగా పరిచయమవుతున్న వెంకటేశ్ నిమ్మలపూడి దర్శకత్వం వహించారు. తక్కువ బడ్జెట్‌లో తెరకెక్కినా, బలమైన కథా కథనాలతో ఆకట్టుకొని బాక్స్ ఆఫీస్ వద్ద పెట్టుబడి తిరిగి రాబట్టిందన్న టాక్ వచ్చింది.
ఇప్పటికే యూత్ ఆడియన్స్‌ను థియేటర్లలో ఆకట్టుకున్న ‘సుందరకాండ’ ఇప్పుడు ఓటీటీలో విడుదల కానుంది. తాజా సమాచారం ప్రకారం, ఈ సినిమా సెప్టెంబర్ 23న జియో హాట్‌స్టార్‌లో స్ట్రీమింగ్ కాబోతోంది. థియేటర్‌లో మిస్ అయినవారికి ఇది మంచి అవకాశం.
ఈ సినిమా కథ సాఫ్ట్‌వేర్ ఇంజినీర్ సిద్ధార్థ్ (నారా రోహిత్) చుట్టూ తిరుగుతుంది. ముప్పై ఏళ్లు దాటినా అతను పెళ్లి చేసుకోవడానికి ఒప్పుకోడు. ఎందుకంటే తనకు కావాల్సిన ఐదు ముఖ్యమైన లక్షణాలు ఏ అమ్మాయిలో కనిపించవు. కానీ తన స్కూల్ డేస్ సీనియర్ వైష్ణవి (శ్రీదేవి విజయ్‌కుమార్) లో చూసిన ఆ క్వాలిటీస్ తన జీవిత భాగస్వామిలో ఉండాలని కోరుకుంటూ ఉంటాడు.
ఒక రోజు ఎయిర్‌పోర్ట్‌లో అతను ఐరా (వృతి వాఘని) ను కలుస్తాడు. ఆమె ప్రవర్తనను గమనించిన సిద్ధార్థ్, తనకు కావాల్సిన లక్షణాలు ఆమెలో ఉన్నాయని భావిస్తాడు. దీంతో తన విదేశీ ట్రిప్‌ను క్యాన్సల్ చేసి ఆమెను పెళ్లి చేసుకోవాలని నిర్ణయిస్తాడు. అయితే పెళ్లి ప్రక్రియలో ఒక షాకింగ్ ట్విస్ట్ ఎదురవుతుంది. అదే కథలో ప్రధాన మలుపు.
ఈ చిత్రం సింపుల్ స్టోరీతో, ఎలాంటి బోర్ లేకుండా సాగడం పెద్ద ప్లస్. ‘‘ఏ ప్రేమకథా ఒకేలా ఉండదు’’ అన్న కాన్సెప్ట్‌పై తెరకెక్కిన ఈ సినిమా మోడర్న్ యూత్ లైఫ్‌స్టైల్, భావోద్వేగాలు, సరదా సన్నివేశాలను చక్కగా మిళితం చేసింది. ముఖ్యంగా నారా రోహిత్ నటన, హ్యూమర్, ఎమోషన్స్ బాగా కుదిరాయి.
మొత్తానికి, ‘సుందరకాండ’ ఒక ఫీల్‌గుడ్ రొమాంటిక్ కామెడీ. యూత్‌ఫుల్ ఎంటర్‌టైన్‌మెంట్‌కి ఇష్టపడే ప్రేక్షకులకు ఈ సినిమా తప్పక నచ్చుతుంది. థియేటర్లలో చూడలేకపోయిన వారు జియో హాట్‌స్టార్‌లో సెప్టెంబర్ 23 నుంచి చూసి ఎంజాయ్ చేయవచ్చు. రొమాన్స్, కామెడీ, ట్విస్ట్‌లు అన్నీ కలిపిన ఈ సినిమాను కుటుంబంతో కలిసి చూడండి. ఈ వీకెండ్ ఫుల్ ఎంటర్‌టైన్‌మెంట్ కావాలనుకుంటే, ‘సుందరకాండ’ మస్ట్ వాచ్!
