భారతదేశ చరిత్రలో ఆగస్టు 15, జనవరి 26 తేదీలకు ప్రత్యేక ప్రాముఖ్యత ఉంది. ఈ రెండు తేదీల్లో జాతీయ పండుగలు దేశవ్యాప్తంగా ఘనంగా జరుపుకుంటారు. అయితే చాలామందికి ఈ రెండు పండుగలకు ఉన్న తేడా స్పష్టంగా తెలియదు. స్వాతంత్య్ర దినోత్సవం అంటే ఏమిటి? గణతంత్ర దినోత్సవం అంటే ఏమిటి? ఇప్పుడు ఈ రెండు జాతీయ పండుగల ప్రధాన తేడాలను తెలుసుకుందాం.
స్వాతంత్య్ర దినోత్సవం (ఆగస్టు 15)
ఆగస్టు 15, 1947న భారతదేశం బ్రిటిష్ పాలన నుండి స్వాతంత్ర్యం పొందింది. ఆ రోజు నుండి దేశం స్వతంత్ర దేశంగా అవతరించింది. ప్రతి సంవత్సరం ఆగస్టు 15న స్వాతంత్య్ర దినోత్సవం జరుపుకుంటారు. ప్రధానమంత్రి ఢిల్లీలోని ఎర్రకోటపై జాతీయ జెండాను ఆవిష్కరించి, స్వాతంత్ర్య పోరాట వీరుల త్యాగాలను గుర్తు చేసుకుంటారు. ఈ రోజు దేశానికి స్వాతంత్ర్యం ఇచ్చిన వారిని గౌరవించడమే ప్రధాన ఉద్దేశం.
#Celebration_on_Errakota pic.twitter.com/UbZz6pOBfn
— Bathini ArunKumar #HINDU (@arunhindhu3) August 15, 2022
గణతంత్ర దినోత్సవం (జనవరి 26)
జనవరి 26, 1950న భారత రాజ్యాంగం అమలులోకి వచ్చింది. అందువల్ల దేశం సార్వభౌమ, ప్రజాస్వామ్య, గణతంత్ర దేశంగా నిలిచింది. ఈ రోజున గణతంత్ర దినోత్సవం జరుపబడుతుంది. ప్రధాన వేడుక ఢిల్లీలోని రాజ్‌పథ్‌లో జరుగుతుంది. రాష్ట్రపతి జెండా ఆవిష్కరించి, సైనిక, పోలీస్, ఇతర త్రివిధ దళాల గౌరవ వందనం స్వీకరిస్తారు. వివిధ రాష్ట్రాల సాంస్కృతిక ప్రదర్శనలు, శకటాలు, సైనిక పరేడ్ ఈ వేడుకకు ప్రత్యేక ఆకర్షణ.
Prime Minister @narendramodi inspects the Guard of Honour at #RedFort during the #79thIndependenceDay celebrations #IndependenceDay2025 pic.twitter.com/Lsur6D6AG9
— PIB India (@PIB_India) August 15, 2025
ప్రధాన తేడాలు
తేదీ & ప్రాముఖ్యత:
ఆగస్టు 15 – దేశానికి స్వాతంత్ర్యం లభించిన రోజును గుర్తు చేస్తుంది.
జనవరి 26 – భారత రాజ్యాంగం అమలులోకి వచ్చిన రోజును జరుపుకుంటారు.
జెండా ఆవిష్కరణ:
స్వాతంత్య్ర దినోత్సవం – ప్రధానమంత్రి ఎర్రకోటపై జెండా ఎగురవేస్తారు.
గణతంత్ర దినోత్సవం – రాష్ట్రపతి రాజ్‌పథ్‌లో జెండా ఆవిష్కరిస్తారు.
వేడుకల తీరు:
స్వాతంత్య్ర దినోత్సవం – స్వాతంత్ర్య పోరాట వీరుల త్యాగాలకు నివాళి.
గణతంత్ర దినోత్సవం – రాజ్యాంగం గొప్పతనాన్ని, ప్రజాస్వామ్య వ్యవస్థను ప్రదర్శిస్తుంది.
Here’s a little #KnowYourTiranga trivia that may interest you: #DidYouKnow? The #PrimeMinister hoists the #NationalFlag on Independence Day, whereas the #President unfurls it on the #RepublicDay 🇮🇳 @rashtrapatibhvn @PMOIndia pic.twitter.com/x12F6TPNRF
— Sahitya Akademi (@sahityaakademi) August 8, 2025
పరేడ్:
గణతంత్ర దినోత్సవంలో సైనిక పరేడ్, శకటాల ప్రదర్శన ముఖ్యమైనవి.
స్వాతంత్య్ర దినోత్సవంలో అలాంటి ప్రదర్శనలు ఉండవు.
ఈ రెండు పండుగలూ దేశ గౌరవానికి, ఐక్యతకు ప్రతీకలు. ఒకటి స్వాతంత్ర్యాన్ని, మరొకటి ఆ స్వాతంత్ర్యాన్ని నిలబెట్టుకోవడానికి అవసరమైన రాజ్యాంగాన్ని గుర్తుచేస్తుంది. కాబట్టి, ఈ రెండు పండుగలను దేశభక్తితో సమానంగా జరుపుకోవడం మన బాధ్యత.
