తిరుమల శ్రీవేంకటేశ్వర స్వామివారికి అత్యంత ప్రీతిపాత్రమైన నైవేద్యంగా పేరుగాంచింది లడ్డూ ప్రసాదం. తిరుమల దర్శనానికి వెళ్లిన భక్తులు ఈ ప్రసాదం తీసుకోకుండా తిరిగిరారు అనేది వాస్తవం. ఈ లడ్డూ కేవలం తెలుగు రాష్ట్రాలకే పరిమితం కాకుండా దేశవ్యాప్తంగా, విదేశాల్లో కూడా గొప్ప గుర్తింపు పొందింది.
ఈ ప్రసిద్ధ లడ్డూ ఆగస్టు 2వ తేదీతో 310 ఏళ్లు పూర్తి చేసుకుంది. తొలిసారి 1715లో స్వామివారికి లడ్డూ నైవేద్యంగా సమర్పించారని చరిత్ర చెబుతోంది. అయితే ఈ నైవేద్యానికి మూలాలు పల్లవ వంశం కాలం నుంచి ఉన్నాయని, 1480లో వచ్చిన శాసనాల ద్వారా తెలుస్తోంది.
మూడుసార్లు శతాబ్దాల చరిత్రను కలిగి ఉన్న తిరుమల లడ్డూ ప్రసాదంలో క్రమంగా రుచి, నాణ్యత, శుభ్రత పరంగా మార్పులు చోటుచేసుకున్నాయి. ప్రపంచంలోనే ఉత్తమమైన ప్రసాదంగా పేరు తెచ్చుకుంది.
2014లో తిరుమల లడ్డూకు జియోగ్రాఫికల్ ఇండికేషన్ (GI) ట్యాగ్ లభించింది. ఇది లడ్డూకు మరింత ప్రాధాన్యం తీసుకువచ్చింది. మొదట్లో ఈ లడ్డూను టీటీడీ కేవలం 8 నాణేలకే విక్రయించేది. ఆ తరువాత ఇది రూ.2, రూ.5, రూ.10, రూ.15, రూ.25గా మారుతూ ప్రస్తుతం రూ.50కి విక్రయిస్తున్నారు.
GI ట్యాగ్ రావడంతో బ్లాక్ మార్కెట్ లో తిరుమల లడ్డూ విక్రయాలు తగ్గాయి. ఆన్లైన్లో డూప్లికేట్ లడ్డూలను విక్రయించే ప్రయత్నాలు జరిగినా, అసలైన రుచి రాకపోవడంతో చాలామంది దొరికిపోయారు. టీటీడీ వారు నకిలీ లడ్డూలను విక్రయించిన వారిపై నోటీసులు జారీ చేసి కేసులు నమోదు చేశారు.
తిరుమల లడ్డూ.. ఓ భక్తి చిహ్నంగా, స్వామివారి ప్రసాదంగా, తియ్యని చరిత్రగా భక్తుల మనసుల్లో చెరిగిపోని గుర్తుగా నిలిచిపోతుంది.
