నటీనటులు: పవన్ కళ్యాణ్, నిధి అగర్వాల్, బాబీ డియోల్, సత్యరాజ్, నాజర్, సునీల్, రఘుబాబు తదితరులు
దర్శకులు: క్రిష్ జాగర్లమూడి – జ్యోతికృష్ణ
నిర్మాణం: మెగా సూర్య ప్రొడక్షన్స్
సంగీతం: ఎం.ఎం. కీరవాణి
సినిమాటోగ్రఫీ: మనోజ్ పరమహంస, జ్ఞానశేఖర్
ఎడిటింగ్: ప్రవీణ్ కే.ఎల్
విడుదల తేదీ: జూలై 24, 2025
ప్రజ్ఞ మీడియా రేటింగ్: 2.75/5
పవర్ స్టార్ పవన్ కళ్యాణ్ హీరోగా ఎంతోకాలంగా ఎదురుచూస్తున్న “హరిహర వీరమల్లు” చివరికి ప్రేక్షకుల ముందుకు వచ్చింది. రెండు భాగాలుగా తెరకెక్కుతున్న ఈ చిత్రంలో ఇది మొదటి భాగం. భారీ హైప్‌తో విడుదలైన ఈ సినిమా అంచనాలను అందుకుందా? చూడండి.
కథ
1650లో మొఘల్ సామ్రాజ్యం ఆధిపత్యంలో ప్రజలు అణగారిపోతున్న కాలం. విలువైన కోహినూర్ వజ్రంను స్వాధీనం చేసుకున్న ఔరంగజేబ్, భారతీయులను తన మతంలోకి మార్చకుంటే బ్రతుకు లేదని క్రూరంగా వ్యవహరిస్తాడు. గోల్కొండను పాలిస్తున్న కుతుబ్ షా (దలీప్ తహిల్) ఈ వజ్రాన్ని తిరిగి తెప్పించేందుకు తెలివైన వజ్రాల దొంగ హరిహర వీరమల్లు (పవన్ కళ్యాణ్)ని పిలుస్తాడు. ఇక వీరమల్లు ఎలాంటి సవాళ్లను ఎదుర్కొన్నాడు? అతని గతం ఏమిటి? ఔరంగజేబుతో అతనికి ఉన్న నిజమైన కారణం ఏంటి? తెలుసుకోవాలంటే సినిమానే చూడాలి.
The Jizya tax, a punitive levy imposed by Mughal emperor Aurangzeb on Hindus for practicing their faith, stands as a stark symbol of oppression, yet historians have long softened its brutality. #HariHaraVeeraMallu boldly unmasks this injustice, exposing the erasure of Hindu… pic.twitter.com/TiTld0QROP
— Pawan Kalyan (@PawanKalyan) July 24, 2025
ప్లస్ పాయింట్స్
పవన్ కళ్యాణ్ మాస్ ఎంట్రీ, ఎలివేషన్లు ఫ్యాన్స్‌కి ఫుల్ మీల్స్‌లా అనిపిస్తాయి.
ఊహించని ట్విస్టులు, క్లైమాక్స్ మరియు ప్రీ-క్లైమాక్స్ సీన్లు బాగా ఎంగేజ్ చేస్తాయి.
సనాతన ధర్మం కోసం జరిగిన పోరాటం, చారిత్రక ఘటనలను ఎమోషనల్‌గా చూపించడం ఆకట్టుకుంటుంది.
పవన్ కళ్యాణ్ తన ఇంతకుముందు సినిమాల్లో చూపని కొత్త యాక్షన్ అవతారంతో మెస్మరైజ్ చేశారు.
నిధి అగర్వాల్ తన పాత్రలో బాగానే నటించింది, ఆమె ట్విస్ట్ సర్ప్రైజ్ అవుతుంది.
బాబీ డియోల్ ఔరంగజేబ్‌గా పవర్ఫుల్ నెగటివ్ షేడ్‌ను చూపించారు.
రఘుబాబు, సునీల్, నాజర్ వంటి నటులు తమ పాత్రల్లో మెప్పించారు.
Veeraaa……..🔥🔥⚔️⚔️#HariHaraVeeraMallu #HHVM pic.twitter.com/mH0q4sJmGA
— Hari Hara Veera Mallu (@HHVMFilm) July 23, 2025
మైనస్ పాయింట్స్
కథలో కొన్ని భాగాలు ఊహాజనితంగా సాగడం వల్ల కొంత స్లోగా అనిపిస్తుంది.
సెకండ్ హాఫ్‌లో మాస్ ఎలివేషన్లు కొంచెం డల్ అయ్యాయి.
చాలా సమయం తీసుకున్నప్పటికీ విజువల్ ఎఫెక్ట్స్ బలహీనంగా ఉండడం నిరాశ కలిగిస్తుంది.
ఫస్ట్ హాఫ్ రేంజ్‌లో సెకండ్ హాఫ్ మొదట్లోనే పేస్ కంటిన్యూ చేస్తే ఇంకా బాగుండేది.
సాంకేతిక విభాగం
ఎం.ఎం. కీరవాణి సంగీతం, బ్యాక్‌గ్రౌండ్ స్కోర్ సినిమా హైలైట్.
సినిమాటోగ్రఫీ చాలా బాగుంది, పీరియాడిక్ ఫీల్‌కి తగ్గ విజువల్స్ ఇచ్చారు.
ప్రొడక్షన్ డిజైన్, భారీ సెట్స్ ఆకట్టుకున్నాయి.
ఎడిటింగ్ ముఖ్యంగా సెకండ్ హాఫ్‌లో మరింత కట్టుదిట్టంగా ఉండాలి.
దర్శకులు క్రిష్, జ్యోతికృష్ణలు కథనాన్ని ఎంగేజ్ చేసేలా మోస్ట్ పార్ట్‌లో తీసుకెళ్లారు కానీ సెకండ్ హాఫ్‌లో మరింత కేర్ తీసుంటే ఇంకా బెటర్‌గా ఉండేది.
చివరగా
“హరిహర వీరమల్లు పార్ట్ 1” పీరియాడిక్ యాక్షన్ డ్రామాగా సనాతన ధర్మం కోసం జరిగిన పోరాటాన్ని చూపిస్తూ పవన్ కళ్యాణ్ పవర్ఫుల్ స్క్రీన్ ప్రెజెన్స్‌తో ఆకట్టుకుంటాడు. సాలిడ్ ఎలివేషన్లు, ఎమోషనల్ హై మూమెంట్స్, బ్యాక్‌గ్రౌండ్ స్కోర్ బలంగా ఉన్నప్పటికీ, సెకండ్ హాఫ్‌లో స్లో పేస్, బలహీనమైన VFX కొంత నిరాశ కలిగిస్తాయి.
మొత్తానికి: ఫ్యాన్స్‌కి ఫుల్ మీల్స్, మిగతా ప్రేక్షకులకు ఒకసారైనా చూడదగ్గ విజువల్ ఎక్స్‌పీరియెన్స్.
