ఎడ్జ్‌బాస్టన్ వేదికగా జరిగిన రెండో టెస్టులో భారత్ చరిత్రాత్మక విజయాన్ని సొంతం చేసుకుంది. ఇంగ్లాండ్‌పై భారత్ 336 పరుగుల తేడాతో ఘన విజయం సాధించింది. ఈ విజయంతో మొదటి టెస్టులో ఎదురైన పరాజయానికి టీమిండియా కఠినంగా ప్రతీకారం తీర్చుకున్నట్లైంది.
ఇంగ్లాండ్‌ను భారత్ 608 పరుగుల భారీ లక్ష్యంతో బరిలోకి దింపగా, ఆ జట్టు కేవలం 271 పరుగులకే ఆలౌట్‌ అయింది. భారత్ తొలి ఇన్నింగ్స్‌లో 587 పరుగులు చేసి ఆధిక్యత పొందగా, రెండో ఇన్నింగ్స్‌ను 427/6 వద్ద డిక్లేర్ చేసింది. రెండో ఇన్నింగ్స్‌లో భారత బౌలర్ ఆకాశ్ దీప్ జోరుగా ఆడి 6 వికెట్లు తీసి విజయంలో కీలక పాత్ర పోషించాడు. సిరాజ్, ప్రసిద్ధ్, జడేజా, వాషింగ్టన్ సుందర్ తలో వికెట్ తీసి బౌలింగ్ విభాగానికి తోడ్పడ్డారు.
ఈ విజయం ద్వారా భారత్ టెస్ట్ చరిత్రలో తొలిసారి ఎడ్జ్‌బాస్టన్ మైదానంలో టెస్ట్ మ్యాచ్ గెలిచినట్టయింది. 1967లో తొలిసారి ఆడినప్పటి నుంచి ఇప్పటి వరకూ ఈ మైదానంలో భారత్‌కు ఇది మొట్టమొదటి విజయం. అంతేకాక, ఈ మైదానంలో టెస్ట్ గెలిచిన తొలి ఆసియా జట్టుగా భారత్ రికార్డు సృష్టించింది.
ఈ మ్యాచ్‌లో కెప్టెన్ శుభ్‌మాన్ గిల్ డబుల్ సెంచరీతో అద్భుత ఆటతీరు ద్వారా జట్టుకు భారీ స్కోరు అందించాడు. రెండో ఇన్నింగ్స్‌లో మరో శతకం సాధించి మ్యాచ్ ఫలితాన్ని భారత్‌కు మార్చాడు.
విశేషాలు:
భారత్ – 587, 427/6 డిక్లేర్
ఇంగ్లాండ్ – 407, 271
ఎడ్జ్‌బాస్టన్‌లో భారత్‌కు తొలి టెస్టు విజయం
సిరీస్ 1-1తో సమం
ఆసియా జట్లలో ఎడ్జ్‌బాస్టన్‌లో విజయం సాధించిన తొలి జట్టు భారత్
బౌలింగ్‌లో ఆకాశ్ దీప్‌కి 10 వికెట్లు – విదేశాల్లో అత్యుత్తమ ప్రదర్శనలో ఒకటి
