ఎండు కొబ్బరిలో ఉండే పోషకాలు, యాంటీ ఆక్సిడెంట్లు శరీర రోగనిరోధక శక్తిని పెంపొందించడంలో కీలకంగా పనిచేస్తాయి. దీన్ని ప్రతి రోజూ తినడం ద్వారా ఎన్నో ఆరోగ్య సమస్యల నుంచి బయటపడవచ్చు. గుండె ఆరోగ్యానికి ఇది ఎంతో మేలు చేస్తుంది. ఎముకల బలానికి, కీళ్ల నొప్పులు, వాపుల నివారణకు ఇది సహాయపడుతుంది.
ఎండు కొబ్బరి తినడం వల్ల కలిగే లాభాలు:
ఎండు కొబ్బరిలో ఐరన్‌ పుష్కలంగా ఉంటుంది. ఇది హిమోగ్లోబిన్ స్థాయిని పెంచి, రక్తహీనత సమస్యను తగ్గించడంలో సహాయపడుతుంది. అలాగే పొటాషియం, కాల్షియం, మెగ్నీషియం, భాస్వరం, విటమిన్లు, రాగి వంటి ఎన్నో పోషకాలు ఇందులో ఉంటాయి.
ఎండు కొబ్బరిలోని యాంటీ ఆక్సిడెంట్లు శరీరాన్ని ఆక్సీకరణ నష్టాల నుంచి కాపాడతాయి. ధమనుల్లో ఫ్లాక్‌ ఏర్పడకుండా నిరోధించి గుండె జబ్బుల ప్రమాదాన్ని తగ్గిస్తాయి. ఇందులో ఉన్న కాల్షియం ఎముకలకు బలం చేకూర్చుతుంది. కీళ్ల నొప్పులు, వాపులను తగ్గిస్తుంది. ఆర్థరైటిస్‌కు మంచిదిగా భావిస్తారు.
ఇంకా, ఎండు కొబ్బరిలో ఉండే ఫైబర్ జీర్ణక్రియను మెరుగుపరచి, మలబద్ధకం, అజీర్ణం, ఆమ్లత్వం వంటి సమస్యల నుంచి ఉపశమనం కలిగిస్తుంది. అయితే ఇది వేడి స్వభావం కలిగిన పదార్థం కనుక పరిమితంగా మాత్రమే తీసుకోవాలని నిపుణులు సూచిస్తున్నారు.
క్లుప్తంగా చెప్పాలంటే.. ఎండు కొబ్బరి చిన్న మోతాదులో ప్రతిరోజూ తీసుకుంటే అది ఆరోగ్యానికి ఒక సహజ ఔషధంలా పనిచేస్తుంది!
