యంగ్ టైగర్ ఎన్టీఆర్ తన భార్య లక్ష్మీ ప్రణతీ పుట్టినరోజును ప్రత్యేకంగా సెలబ్రేట్ చేశారు. జపాన్‌లో ‘దేవర’ ప్రమోషన్లతో బిజీగా ఉన్నా, కుటుంబానికి ప్రాధాన్యత ఇస్తూ భార్య పుట్టినరోజును ఘనంగా జరిపారు. ఈ సందర్భంగా ఇన్‌స్టాగ్రామ్‌లో “అమ్మలు హ్యాపీ బర్త్ డే” అంటూ భార్యకు శుభాకాంక్షలు తెలియజేశారు. ఈ ఫొటోలు షేర్ చేసిన క్షణాల్లోనే సోషల్ మీడియాలో వైరల్ అయ్యాయి.
జూనియర్ ఎన్టీఆర్, లక్ష్మీ ప్రణతీ దంపతులకు అభయ్, భార్గవ్ రామ్ అనే ఇద్దరు కుమారులు ఉన్నారు. కుటుంబంతో సంతోషకరమైన సందర్భాలను పంచుకోవడంలో ఎన్టీఆర్ ఎప్పుడూ ముందుంటారు. ఈసారి జపాన్‌లోనే భార్య బర్త్‌డే వేడుకను జరిపి అభిమానులను ఆకట్టుకున్నారు.
View this post on Instagram
జూనియర్ ఎన్టీఆర్ నటించిన ‘దేవర’ సినిమా జపాన్‌లో మార్చి 28న విడుదల కానుంది. ఇప్పటికే ప్రైవేట్ ప్రివ్యూలు ప్రదర్శించగా, అద్భుతమైన స్పందన వచ్చింది. ‘RRR’ సక్సెస్ తర్వాత జపాన్‌లో ఎన్టీఆర్ అభిమానుల సంఖ్య భారీగా పెరిగింది.
‘దేవర’ ప్రమోషన్‌తో పాటు, ఎన్టీఆర్ ప్రస్తుతం ‘వార్ 2’ షూటింగ్‌లోనూ పాల్గొంటున్నారు. హృతిక్ రోషన్‌తో కలిసి నటిస్తున్న ఈ సినిమా ద్వారా బాలీవుడ్‌లో తనదైన ముద్ర వేసేందుకు సిద్ధమవుతున్నారు.
View this post on Instagram
ప్రశాంత్ నీల్ దర్శకత్వంలో ‘NTRNeel’ ప్రాజెక్ట్‌పై కూడా ఎన్టీఆర్ దృష్టి పెట్టారు. ఇప్పటికే ఈ మూవీ షూటింగ్ ప్రారంభమై, పలు యాక్షన్ సీక్వెన్స్‌లను చిత్రీకరించారు.
కుటుంబం, సినిమాల మధ్య సఖ్యతతో కెరీర్‌ని ముందుకు తీసుకెళ్తున్న ఎన్టీఆర్ తన అభిమానులకు ఫ్యామిలీ మ్యాన్‌గా మరోసారి గుర్తింపు తెచ్చుకున్నారు.
