వెస్టిండీస్ పవర్ హిట్టర్ నికోలస్ పూరన్ మరోసారి టీ20 క్రికెట్లో తన సత్తా చాటాడు. ప్రస్తుతం ఐపీఎల్ 2025లో లక్నో సూపర్ జెయింట్స్ తరఫున ఆడుతున్న పూరన్ అరుదైన రికార్డును నమోదు చేసుకున్నాడు. అన్ని టీ20 లీగ్‌లను కలిపి తన 385వ మ్యాచ్‌లో 600 సిక్సర్ల మైలురాయిని చేరుకున్నాడు. 29 ఏళ్ల వయసులోనే ఈ ఘనత సాధించిన నాల్గవ ఆటగాడిగా నిలిచాడు.
2013లో టీ20 అరంగేట్రం చేసిన పూరన్, ఇప్పటి వరకు 385 మ్యాచ్‌లలో 8,640 పరుగులు చేశాడు. అతని బ్యాటింగ్ విధ్వంసం ఈ మధ్యకాలంలో మరింత పెరిగింది. 2024 నుంచే పూరన్ 194 సిక్సులు బాదాడు, ఇది అతని దూకుడు ఎంత పెరిగిందో చెప్పడానికి సరైన ఉదాహరణ. అంతర్జాతీయ టీ20ల్లో వెస్టిండీస్ తరఫున అతను 149 సిక్సులు బాదగా, మిగతావి వివిధ లీగ్ టోర్నమెంట్‌లలో వచ్చాయి.
Nicholas Pooran joins the elite club! 600 T20 sixes smashed—power, class, and pure destruction!#CricketGully #IPL2025 #chrisgayle #nicholaspooran #lucknowsupergiants #cricnet #inpost 📸:Getty Images pic.twitter.com/Zqq1j6hLN6
— CRICNET (@Cricnet_) March 24, 2025
టీ20 క్రికెట్లో అత్యధిక సిక్సర్ల జాబితా:
క్రిస్ గేల్ – 1056 సిక్సర్లు (463 మ్యాచ్‌లు)
కీరాన్ పొలార్డ్ – 908 సిక్సర్లు
ఆండ్రీ రస్సెల్ – 733 సిక్సర్లు
నికోలస్ పూరన్ – 606* సిక్సర్లు (385 మ్యాచ్‌లు)
అలెక్స్ హేల్స్ – 552 సిక్సర్లు
ఢిల్లీ క్యాపిటల్స్‌తో జరిగిన మ్యాచ్‌లోనూ పూరన్ తన దూకుడును చూపించాడు. కేవలం 30 బంతుల్లోనే 75 పరుగులు చేసి, తన జట్టు స్కోరు బలంగా పెంచాడు. అతని ఇన్నింగ్స్‌లో 6 ఫోర్లు, 7 సిక్సర్లు ఉన్నాయి. మరోవైపు, మిచెల్ మార్ష్ కూడా సత్తాచాటి 36 బంతుల్లో 72 పరుగులు చేశాడు. ఈ ఇద్దరూ కలిసి 87 పరుగుల భాగస్వామ్యం నెలకొల్పారు. వీరి మెరుపు బ్యాటింగ్‌తో లక్నో సూపర్ జెయింట్స్ 210 పరుగుల భారీ స్కోరు సాధించింది.
29 ఏళ్లకే 600 సిక్సుల క్లబ్‌లో చేరిన నికోలస్ పూరన్, భవిష్యత్తులో మరిన్ని రికార్డులు బద్దలు కొట్టే అవకాశముంది!
