టాలీవుడ్ న్యాచురల్ స్టార్ నాని హీరోగా నటిస్తున్న తాజా సినిమా “ది ప్యారడైస్ ” గురించి ప్రేక్షకుల్లో భారీ అంచనాలు ఉన్నాయి. నాని సినిమాలు ఎప్పుడూ కొత్తదనంతో, వైవిధ్యమైన కథాంశాలతో ముందుకు వస్తాయి. “ది ప్యారడైస్ ” కూడా అలాంటి ప్రయోగమే అనే టాక్ వినిపిస్తోంది.
ఇంకా, నాని గతంలో కొన్ని ప్రయోగాత్మక కథలను ఎంచుకుని సక్సెస్ అందుకున్నా, కొన్ని సినిమాలు బాక్సాఫీస్ వద్ద పెద్దగా ఆకట్టుకోలేకపోయాయి.
శ్రీకాంత్ ఓదెల గతంలో “దసరా” వంటి హిట్ సినిమాతో ప్రేక్షకులను మెప్పించాడు. ఆయన డైరెక్షన్ స్టైల్ ఎమోషన్, మాస్ ఎలిమెంట్స్ కలయికలో ప్రత్యేకతను కలిగి ఉంటుంది. అయితే, కొన్ని సందర్భాల్లో కథనంలో లాజిక్ కంటే ఫీలింగ్‌ను ప్రాధాన్యత ఇచ్చినట్లు విమర్శలు వచ్చాయి.అలాగే మళ్ళీ ఇప్పుడు వీరిద్దరి కలయిక “ది ప్యారడైస్” ఏ విధంగా ఆవిష్కృతమవుతుందో చూడాలి.
ఈ సినిమా నానికి మరో మైలు రాయి అవుతుందా? లేక దర్శకుడి టేక్ నానికి కొత్త సవాలు పెడుతుందా? అన్నది త్వరలోనే తెలియనుంది.
ఈ నేపథ్యంలో నాని తన పాత్రల్లో “కథ ప్రధానమయినప్పుడే విజయం వస్తుంది” అనే నమ్మకంతో ముందుకెళతాడు. మరి, శ్రీకాంత్ ఓదెల నేరేషన్‌లో నాని మ్యాజిక్ వర్కౌట్ అవుతుందా? లేదా మాస్ ఎలిమెంట్స్ లో నాని కొత్త కోణాన్ని ఆవిష్కరించనుందా? అన్నది ఆసక్తికరంగా మారింది.
“ఇది ప్యారడైస్ కాదు… పోరాటం!” లాంటి డైలాగులు ఇప్పటికే అభిమానులలో ఆసక్తిని రేకెత్తిస్తున్నాయి. ఇప్పటి వరకు విడుదలైన గ్లింప్సులు, టీజర్ చూస్తే “నాని మరోసారి తన న్యాచురల్ యాక్టింగ్‌తో మంత్ర ముగ్ధులను చేయనున్నాడా?” అనే చర్చ నడుస్తోంది.
