Jaipur :ప్యాలెస్‌లో శర్వానంద్ పెళ్లి సందడి
Jaipur: టాలీవుడ్ హీరో శర్వానంద్ పెళ్లి చేసుకోబోతున్న సంగతి తెలిసిందే. ఈ ఏడాది జనవరి 26న రక్షిత అనే సాఫ్ట్ వేర్ ఇంజినీర్ తో శర్వా నిశ్చితార్థం చేసుకున్నాడు. వీరిద్దరి నిశ్చితార్ధానికి టాలీవుడ్ లోని పలువురు స్టార్స్ హాజరయ్యి సందడి చేయగా. ఆ ఫొటోలో నెట్టింట బాగా వైరల్ అయ్యాయి. నిశ్చితార్ధం జరిగిన ఆరు నెలలు తరువాత ఇప్పుడు వీరిద్దరూ పెళ్లిపీటలు ఎక్కబోతున్నారు. Jaipur లోని లీలా ప్యాలెస్ లో శర్వా అండ్ రక్షిత వివాహం జరగబోతుంది. ఇందుకోసం రాజస్తాన్‌లోని జైపూర్‌ ప్యాలెస్ సుందరంగా ముస్తాబైంది. కాబోయే వధూవరులిద్దరూ, వారి కుటుంబాలు ప్యాలెస్‌లో పెళ్లి సంబరాల్లో మునిగి తేలుతున్నారు. అందులో భాగంగా మొదట హల్దీ ఫంక్షన్‌ జరిగింది.
అయితే హల్దీ వేడుకలో పసుపు రాసుకుంటూ సందడి చేస్తున్న శర్వానంద్ వీడియో నెట్టింట వైరల్ అవుతుంది. ఈరోజు సాయంత్రం 5గంటలకు మెహందీ కార్యక్రమం, రేపు ఉదయం 11గంటలకు పెళ్లి కొడుకు వేడుక జరగనుంది. రేపు రాత్రి 11 గంటలకు వీరిద్దరి వివాహం జరగబోతుంది అని తెలుస్తుంది. అయితే ఈ మ్యారేజ్ కి టాలీవుడ్ నుంచి టాప్ సెలబ్రెటీస్ అందరూ హాజరు కానున్నారు. శర్వా స్నేహితులు రామ్ చరణ్ రానాలు కూడా ఈ పెళ్ళిలో సందడి చేయనున్నారు. అలాగే రక్షితది పొలిటికల్ బ్యాక్‌గ్రౌండ్ ఉన్న ఫ్యామిలీ కావడంతో.. పెద్దఎత్తున పొలిటికల్ లీడర్స్ కూడా పెళ్ళికి వచ్చే అవకాశం ఉంది.
ఇక శర్వా సినిమాల విషయానికి వస్తే..ప్రస్తుతం తన 35వ సినిమాని తెరకెక్కిస్తున్నాడు. మొన్నటి వరకు ఈ మూవీ షూటింగ్ ఫారిన్ లో ఏకధాటిగా జరిగింది. ఈ సినిమా యంగ్ డైరెక్టర్ శ్రీరామ్ ఆదిత్య తో చేస్తున్నాడు. ఈ సినిమాలో కృతి శెట్టి హీరోయిన్ గా నటిస్తోంది. మొన్నటి వరకు ఈ సినిమా షూటింగ్ లో బిజీగా ఉన్న శర్వ.. పెళ్లి కోసం లాంగ్ గ్యాప్ తీసుకున్నాడు.
శర్వా పెళ్లి సందడి ❤️
Lovely & candid visuals from Hero @ImSharwanand 's Haldi 💛Ceremony in Jaipur 😍 #Sharwanand𓃵 #SharwAnand #Sharwa35 #Sharwa #haldifunction #marriage #ramcharan #prabhas #weddingvibes #Jaipur#SharwanandMarriage 🥰 ❤️ pic.twitter.com/nV0Kpbyise
— SharwAnand ✨️ (@SharwaFans) June 2, 2023
